RIHA - Hevserokê Giştî yê HDP’ê Sezaî Temellî, li Rihayê, diyar kir ku desthilatdariya hebûna xwe li ser pirsgirêka Kurd ava dike, li her cihê behsa şer dike û got: “Ev erdnîgarî, axa pêxemberane. Rêya pêxemberan rêya aştiyê ye. Em ê bi inyat li dijî kesên şer ferzî gelan dikin, tifaqa demokrasiyê ava bikin.
Hevserokê Giştî yê Partiya Demokratîk a Gelan (HDP) Sezaî Temellî ji bo hin hevdîtina çû Rihayê. Temellî dest pê kê beşdarî bernameya taştê ya rêxistina partiya xwe bû. Endamên çapemeniyê jî beşdarî taştê bûn. Parlementerên HDP’ê yên Riha Ayşe Surucu, Nûsrettîn Maçîn û Nîmettûllah Erdogmûş, nûnerên KESK, ÎHD, Komelya Çanda Elewiyan û gelek rêxistinên civaka sîvîl beşdarî taştê bûn. Temellî piştî taştê bersiv da pirsên rojnamegeran. Temellî, diyar kir ku ji bo demokratîk bûyîna welat ewê hevdîtinê bi hemû beşên civakê re bikin û wiha axivî: “Em ê bi inyat li dijî kesên şer ferzî gelan dikin, tifaqa demokrasiyê ava bikin.”
Temellî, da zanîn ku desthilatdarî li ser dijminantiya Kurdan siyasetê dike û wiha bilêv kir: “Ev ne siyasete, ev bêsiyasetiye. Civak hiqûq û aştiyê dixwaze. Dibêjin me dewletê diparêzin. Dewlet çiye. Dewlet kiye. Dewlet saziya parastina yekgirtina demokrasiyê ye. Berevajî ne saziya xizmeta gel dikeye. Em hewl didin ku dewleteke ku li gorî pêdiya gel ava bikin. Dewleta heyî tenê dewleta bazirganiya şer dikeye û şer layiqî me dibîne.”
‘YÊN KU ŞER FERZ DIKIN, PÊŞEROJÊ TUNE DIKIN’
Temellî, dest nîşan kir ku ev 4 salin li welat şer dewam dike û wiha bilêv kir: “Desthilatdarî li dijî aştiyê şer ferz dike. Vê axê tim rêya jiyana bihev re nîşanî me da ye. Ev ax, axa pêxemberan e. Rêya pêxemberan rêya aştiyê ye. Ne mimkûne ku mirov ji vê dîrokê bandor nebe. Ev dîrok dîroka hevpar a vê axê ye. Îro dixwazin vê ax û dîrokê tune bikin. Lê emê tifaqa demokrasiyê di nava şatiyê de kêlî bi kêlî bihûnin û rê nedin vê yekê.”
Temellî piştî bernamê çû serdana Rêxistina HDP’ê ya Rihayê û dûre ji bo Şaredariya Pirsûsê ziyaret bike, ket rê.