6'emîn rûniştina doza komkujiya 10'e Cotmehê ya GAR'a Enqereyê di roja duyemîn de li 4'emîn Dadgeha Cezayên Giran a Enqereyê berewam kir. Di rûniştina dozê de 19 bersûcên girtî, malbatên mexdûran, parêzerên mexûran û gelek kesên ji dervê bajar hatin dozê bişopînin li salonê amade bûn. Ji bo ewlehiyê gelek polîs û leşker li dora salonê amade bûn. Beriya nîvro parêzerê gazinçkeran axivîn. 

 

‘150 KES DÎLOKÊ BI RÊVE DIBE'

 

Parêzerê mexdûran Tonguç Cankurt, diyar kir ku dosyayên têkildarî dozê di nava aloziyê de tên hiştin û wiha got "Ji ber vê yekê bandora xwe li ser komkujiyan heye. Li dijî darizandina peywirdarê cemaweriyê em rastî dîrencekê tên. Serdozgere Komarê yê Enqereyê Ramazan Dinç der barê bersûcê firar Edremît Ture yê di dosyayê de tespîtan dike. Dîsa diyar dike ku tevî Yunus Durmaz ê xwe teqandiye yekîneya ji 150 kesan pêk tê Dîlokê bi rêve dibe. Ev fesleke di 4'ê Hezîrana 2014'an de teslîm kiriye. Lê dîsa heman Ramazan Dinç, salek û nîv şûnde ji bo kurê Edremit Ture Hasan Tayyip Ture bê binçavkirin û li mala wî lêgerîn bê kirin ferman daye. Di vê dosyayê de tevî ku bi sedan delîl der barê Edremit Ture de hene jî der barê Edremit Ture  de fezleke nehatiye amadekirin. Li gel ku Edremit Ture heye, der barê kurê wî de biryara binçavkirinê heye. Edremit Ture jî Kirikkale û kurê xwe bi rêxistin kiriye. Di vê dosyaya lêpirsînê de sersariya Dozger Ramazan Dinç  pir zêde ye. Lê hêj li Enqereyê Serdozgerê Komariyê dike." 

 

KUJERÊ PIRSÛSÊ HATIYE GUHDARKIRIN

 

Cankurt, destnîşan kir ku der barê Yunus Emre Alagoz  de belgeyek hatiye dosyayê û wiha axivî: “Yunus Emre Alagoz û gelek kesên li gel wî 2 meh berî komkujiya li Pirsûsê hatine guhdarkirin. Alagoz heta 11 roj beriya Komkujiya Pirsûsê û 3 meh beriya komkujiya 10'e cotmehê ya Enqereyê hatiye guhdarkirin. Lê beriya teqînan guhdarkirina wan hatiye qutkirin. Ev berpirsiyarî ser wê nayê girtin. Divê bê ronîkirin. Malbatên Endamên DAIŞ'ê li ber Wezareta Karên Derve çalakî pêk anîn. Diyar kirin ku ew dixwazin zarokên wan bên li Tirkiye bên darizandin. Ger ku darazek wisa hebe pir asayî ye ku DAIŞ’î bên li Tirkiye bên darizandin. Ji ber ku daraza Tirkiye hêvi dide wan. 

 

Parêzerê mexdûran Erkan Unuvar ji ber ku bersûc Yakup Şahin di rûniştina duh de ne amade bû îro pirsên xwe pirsîn. Unuvar diyar kir ku li gorî qeydên HTS'ê Şahîn di 26'ê Îlona 2015'an de li Midûriyeta Polîsan a Dîlokê geriya ye û ji Şahîn pirsa "Tu çima li Midûriyeta Polîsan geriya." Şahîn jî got 'Naxwazim bibersivînim'. Şahin pirsên din jî bê bersîv hişt. 

 

CÎGIRÊ MIDURÊ POLÎSAN ÇI VEDIŞÊRE? 

 

Prz. Ahmet Ozdel, diyar kir ku Beyazit Bestami Duman û Tahir Sariişik hatine guhdarkirin û wiha got: "Me duh li polîsê şahid guhdar kir. Tahir Sariişik weki bersûcekî ne girîng hat dîtin. Lê piştî çend pirsan xwe vekir. Hat dîtin ku agahiya wan ji hev heye. Di îfadeyên Beyazıt Bestami Duman de balkêşî heye. Cîgirê Midûrê Şaxa TEM'ê çima îfadeya endamê DAIŞ’ê vedişêre? Çi diparêze. Çi ji me vedişêre?" Çima endamên DAIŞ'ê tên Tirkiye. Çima dixwazin li Tirkiye bên darizandin."