HATAY - Girtiyê nexweş Muhsîn Kizilkan ku 20 roj bûn li nexweşxaneyê tedawî dibû, ji ber nexweşîna pençeşêrê jiyana xwe ji dest da.
Girtiyê nexweş Muhsîn Kizilkan ku nexweşîna pençeşêrê lê peyda bibû û di Girtîgeha Tîpa T a Îskenderûn a Hatayê dima, di 5'ê Tîrmehê de wî rakiribûn nexweşxaneyê. Kizilkan, îro li Nexweşxaneya Dewletê ya Îskenderûnê jiyana xwe ji dest da.
Wê piştî rapora otopsiyê malbat cenazeyê Kizilkan li Goristana Çankaya ya Îskenderûnê veşêrê.
Cezayê muebetê li Kizilkan hatibû birîn. Ji bo înfaza wî bê taloqkirin û bê tedawîkirin serî li Serdozgeriya Komarê ya Îskenderûnê dabû, lê belê serdozgeriyê di 16'ê Tîrmehê de serlêdana wî bersivandibû û cezayê wî ji bo 3 mehan taloq kiribû.
Her wiha Kizilkan ji ber nexweşîna peneçeşêrê 3 caran hatibb» emeliyatkirin, lê belê di Adara 2017'an de ji ber rewşa wî giran bibû hatibû berdan, lê belê 6 meh şûnde dîsa ew xistibûn girtşgehê.