AMED - Mîtînga Amedê ya "Aştiyek bi rûmet û Çareseriya Demokratîk a li Qada Îstasyonê bi axaftinan berdewam dike. Di mîtîngêde Hevseroka KCD'ê Leyla Guven diyar kir ku dema ewil erka xwe pêk anîbûna wê tecrîda li ser Ocalan giran nebûya û ji her kesî xwest ku ji niha û şûnde her kes bêjin êdî bes e û erka xwe baş pêk bînin. Hevserokê Giştî Mehmet Arslan jî, destnîşan kir ku divê her kes guh bide bangawaziyên Ocalan.
Rêxistina Partiya Demokratîk a Gelan (HDP) ya Amedê, bi şîara "Ji bo aştiya birûmet çareseriya demokratîk" li Qada Îstasyonê mîtînga herêmê li dar xist didome. Bi hezaran kesên derbasî qada mîtîngê bûn, ji 4 aliyan herikîn qada mîtingê. Girseyên hatin qada mîtîngê di her milekî de 2 caran di nokteyên kontrolê re derbas bûn.
KOÇYÎGÎT: RÊYA AŞTIYÊ DI ÎMRALIYÊ RE DERBAS DIBE
Di mîtîngê de Hevberdevka Kongreya Demokratîk a Gelan (HDK), Gulîstan Kiliç Koçyigît, jî diyar kir ku piştî hilbijartina 7'ê Hezîranê li Pirsûsê, Enqere û gelek qadên din komkujî pêk hatin, li dijî HDP'ê operasyon hatin lidar xistin û wiha got: "Her dem xwestin bi tundî, kuştin û binçavkirinê terbiye bikin. Xwestin Kurdan li Sûriye bi çerkez, suryanî, ermenî û erebên Rojava asteng bikin. Xwestin rê li pêş Şoreşa Rojava bigirin. Ji ber vê yekê heta dawî di şer de israr dikin. Ma ji ber ku ew şer, tundiyê dixwazin em ê bisekinin? Na em nasekinin. Em kesên bêtir bedelan didin emê dest ji têkoşîna aştiyê bernedin. Ma ji ber ku MHP û AKP xwe bi şer xwedî dike em ê dest ji têkoşîna aştiyê berdin? Na em tu carî dest ji têkoşîna aştiyê bernedin. Birêz Ocalan çawa dengê wî li Îmraliyê bilind bû dîsa got aştî. Hemû gelê Cîhanê guh da wî dengî. Ji ber dîsa Birêz Ocalan daxwaza aştiyê anî ziman dîsa dixwazin dengê wî qut bikin. Îro yekem rêya aştiyê di Îmraliyê re derbas dibe."
Koçyîgît, da zanîn ku niha pêvajoyek nû dest pê dike û wiha lê zêde kir: "Yê vê pêvajoya nû li ser esasê aştî û demokrasiyê pêş bixe hûn in. Brêz Ocalan dibêjei 'Ez di nokteya salên 2013 û 2015'an de me' Yanî dibêje 'ez alîgirê aştiyê me. Ez alîgirê yekîtiya gelê Kurd û Tirk im.' Ji me tevan dixwaze ji bo komara demoratîk û neteweya demokratîk lihevkirina civakî em berpirsiyarê bidin ser xwe. Me di 2013'an de şaşî kir. Me hemû berpirsiyarî da ser milê Ocalan. Lê me dît ku aştî bi têkoşîna hevpar pêş dikeve.
GUVEN: JI BO AŞTIYEK MAYINE DIVÊ EM ERKA XWE BAŞ PÊK BÎNIN
Hevseroka KCD'ê Leyla Guven jî derket ser dikê û girse silav kir. Axaftina Gunen wiha ye:
Ez bi we serfiraz im. Baş e ez jî endameke ji vî gelî me. Baş e hûn hene. Hevalên ciwan ez çavên we maç dikim. Niha teqeta min zêde tune. Li her derê gelê Kurd ji bo tecrîda li ser Rêberê Gelê Kurd rabe jiyana xwe danî holê. Di vê rêyê de me 9 9 hevalên xwe bi rê kir. Zulkuf Gezen, Ayten Mete, Zehra; Medya, Konca, Firat, Mahsum, Umit ez wan bi rêzdarî bibîr tînim bejna xwe li ber wan ditewînim. Wan rêya Îmraliyê vekir. Peyama Ocalan pir vekirî ye.
Ger ku me xebata xwe rast û baş pêk anîbûya wê tecrîda li ser Ocalan nebûya. Wê girtî azad bûna. Ji ber vê yekê em soz didin ku ji nihaı û şûnde xebatên xwe baştir pêk bînin. Emê li ber xwe bidin. Bê berxwedan jiyan nabe. Ji bo wê ji em hemû saziyên me hewl bidin, ji bo dagirkeriya li Kurdistanê bi dawî bibe, aştiyek mayinde derkeve holê emê tev bigerin. Ma ne bes e. Ji bo aştiyek bi rûmet ez tika dikim ku hemû hevalên me baş erka xwe pêk bînin ku em zû bigêjin armanca xwe. Bi taybetî ez ji dayikên me re hurmeta xwe ji dayikan re pêşkêş dikim. Hez bi rêzdarî hurmetê xwe ji hemû gelê me yê ji bajarên herêmê re hatine pêşkêş dikim. Ji ber ez îro dîsa li pêşberî we me ez gelek kêfxweş im. "
Hevserokê ESP'ê Şahîn Tumuklu, bi silavkirina gel dest bi axaftina xwe kir, kesên li Qada 5'ê Hezîranê bi bîr anîn. Şahîn diyar kir ku li ser vê axê bi salan e xwîn tê rijandin û wiha got: "Nikarin krîzê rêve bibin. Serdest faşîzmê pêşve dibin û tên. Faşîzm şer e. Heskîfê dişewite, Cudî dişewite. Hê tê çi ji van bombeyan bikî. Evqas lêçûn ji bo çewisandina mafên bindesta ye. Tu nikarî krîz rêve bibî, qadan qedexe dikî û girtîgehan tijî dikî. Şer kevneşopiya te ye. Ev enî eniya şer e em ê vê eniyê bikin pêşeroj."
Serokê KESK'ê yê Giştî Mehmet Bozgeyîk jî wiha got: "Me bedelên mezin dan û em ê vê berdewam bikin. Kesên ku naxwazin êşê bikişînin û li gîrtîgehan mirovên me hene. Ji bo ku kesekî din jiyana xwe ji dest neda silav ji kesên têkoşîna heqîetê dimeşînin re. Bi hezaran hevalên me ji ber ku aştî xwestin ji karê xwe bûn lê me çog dananî û serî netewand. Em kedkar makeqanûneke demokratîk dixwazin û em ji bo vê têkoşînê didin."
ARSLAN: PÊVAJOYA ÇARESERIYA DEMOKRATÎK
Hevserokê Giştî yê DBP'ê Mehmet Arslan jî, di axaftina xwe de bal kişand ser pêvajoya şerî ya li welat û herêmê, operasyonê derveyî sînor ên Tirkiyeyê û peyamên Rêberê PKK'ê Abdullah Ocalan.
“Eger rojek azadî bê Kurdistanê, bê Rojhilata Navîn wê sermîmarê wê aştiyê Amed be. Bi salan e li vê xakê xwîna xwişk-birayan diherike. Bi dehan salan e ji bo pirsgirêka kurd bi awayekî demokratîk bê çareserkirin, em dibên divê pêvajoya çareseriyê ya demokratîk hebe. Ev çareserî ancax bi aştiyê pêkan e. Îktîdara faşîst a AKP'ê her roj dixwaze daxwazên ji bo aştî demokrasiyê yên kurdan bifetisîne. Ev jî tenê dibe sedema êş û azaran."
Arslan, destnîşan kir ku pêvajoya pevçûnî ya li Tirkiye û herêmê bi tecrîda li ser Rêberê PKK'ê Abdullah Ocalan dest pê kiriye û got: "Li Tirkiyeyê pevçûn bi tecrîdê dest pê kirin. Ji bo pevçûn bi dawî bibin, divê tecrîda li ser Birêz Ocalan bi dawî bibe. Birêz Ocalan di firsenda ewil de ji bo aştiya civakiyî ay Tirkiyeyê nêrînên xwe aşkere kirin. Eger li Tirkiyeyê tecrîd pêk bê û dengê Birêz Ocalan bê tepisandin wê aloziya li vê xakê kûrtir bibe. Dema Birêz Ocalan biaxive aştî tê vê xakêç Ji vira em careke din bang dikin, ji bo aştiyeke birûmet divê her kes bi berpirsiyarî tev bigere, divê her kes guh bide bangawaziyên Birêz Ocalan ên ji bo aştiyê."