NAVENDA NUÇEYAN - 33 ciwanên sosyalist ên 4 sal berê di komkujiya li Navçeya Pirsûsê jiyana xwe ji dest dan, li ser gorên xwe û gelek navendan hatin bibîr anîn. Di bîranînan de diyar kirin ku wê tekoşîna edaletê berdewam bikin û xwestin kujeran ji bîr nekin.
Malbatên 33 ciwanên ku li navçeya Pirsûsê 4 sal berê di êrîşa DAIŞ'ê de hatin qetilkirin û parazvanên mafên mirovan li pêş Navenda Çandê ya Amara ya navçeya Pirsûsê û li ser gorên ciwanan ew bibîr anîn. Li Amed, Riha, Stenbol, Edene û Îzmirê jî ji bo bîranîna 33 ciwanan daxuyanî hatin dayîn. Ciwanên sosyalîst Ece Dinç li Goristana Karacaahmet, Nazegul Bahar Boyraz li goristana Kuçukyalî, Duygu Tuna, Cemil Yildiz û Îsmet Şeker li Goristana Gazî, Vatan Budak li goristana Karlitepe, Polen Unlu û Hatice Ezgî Sadet jî li Goristana Ihlamurkuyu , Buşra Mete li Goristana Şeyhlî û Alper Sapan jî li Goristana Kurtkoy yên Stenbolê ji aliyê sedan kesan ve hatin bibir anîn.
LI GORISTANA GAZÎ BI GIRSEYÎ KOM BUN Û CIWANEN SOSYALÎST BIBÎR ANÎN
Girseya herî mezin li Goristana Gazî ya navçeya Sultangazî kom bûn ciwanên ku di komkujiyê de jiyana xwe ji dest dabûn Duygu Tuna, Cemîl Yildiz û Îsmet Şeker bibîr anîn. Hevserokê Giştî yê ESP'ê Şahin Tumuklu û Parlamentera HDP'ê Huda Kaya û gelek nunerên partiyên siyasî û rêxistinên demokratîk amade bûn. Parlamentera HDP'ê Huda Kaya, “Divê hemû cemaweriya neteweyi û navneteweyî bi baldarî darizandina DAIŞ'ê ya li Rojava berdewam dike bişopîne. Li wir sûcên li dijî mirovahiyê hatine kirin tên darizandin. Kesen li Pirsûsê 33 ciwan qetil kirin tên darizandin. Kesên li Rojava mirov qetil kirin tên darizandin. Ez 33 hevalên me yên li Pirsûsê hatin qetilkirin bibîr tînim."
Li aliyê din li Cemxaneya Haci Bektaşî Velî ji bo kesên li Pirsûsê jiyana xwe ji dest dan luqme belav kirin. Ji bo Polen Unlu û Hatice Ezgî Sadet li goristana Ihlamurkuyu bernameya bîranînê li dar xistin. Pankart vekirin û biryara xwe ya têkoşînê anîn ziman. Parlamenterên HDP'ê Erol Katırcioglu ile Murat Çepnî û rêveberên HDP'ê. Endamên Federasyona Komeleyên Ciwanên Sosyalist (SGDF), ESP'ê û Endamên Meclîsa Jinan a Sosyalist beşdarî bîrarînê bûn.
Dayika Hatice Ezgi Sadet Sunay Sadet, diyar kir ku îsal tevlêbûna bîraninê pir zêde ye û wiha got: "Hatina we ya vir hêvî û aramî da min."
Hevseroka SGDF'ê Alev Ozkîraz jî anî ziman ku 4 salin têkoşîna edaletê didin û wiha got: "4 sal berê yên di êrîşa DAIŞ'ê de jiyana xwe ji dest dan hevrêyên me bûn. 4 salin em li kolanê li edaletê digerin. Heta em edaletê bibînin emê li kolanan bin. 4 sal berê 33 kes bi endamê DAIŞ'ê yê bombeya zindî hatin qetilkirin. Em dîsa li vir in û dîsa em li hevalên xwe xwedî derdikevin. Em bi hevî ne. Ji ber ku her roj em têkoşînê bêtir mezin dikin."
Ji bo Ece Dinç jî li Goristana Karacaahmetê bernameya bîranînê hat li dar xistin. Li ser gora Dinç pankarta "Ece Dînç nemir e" vekirin. Malbata Dinç û gelek kesên din tev li bîraninê bûn.
Nazegul Bahar Boyraz jî li Goristana Kuçukyali hat bibiir ankîn. Vatan Budak li Goristana Karlıtepe û Buşra Mete jî li Goristana Şeyhli hat bibîr anîn.
Alper Sapan jî li goristana Kurtkoy bi girseyî hat bibîr anîn.
WAN/COLEMERG/MÛŞ
Yunus Emre Şen li Wanê, Suleyman Aksu li Geverê, Mucahit Erol, Medali Barutçu û Serhat Devrim li Mûşê li ser gorên xwe hatin bibîr anîn. Endam, rêveber û parlamenterên HDP'ê tev li bernameyên bibîranînê bûn.
AMED
Li Amedê jî Veysel Ozdemir û Nazlı Akyurek hatin bibir anîn. Veysel Ozdemir li Goristana Yenîkoyê û Nazli Akyurek jî li Goristana 450 Evler hatin bibir anîn. Di bernameyên bibîranînê de endam, rêveber û parlamenterên HDP'ê amade bûn.