Orhan Eroglu serbest bên berdan. 

 

Komîsyona Girtîgehan a Şaxên ÎHD'ê yên Stenbol, Îzmir û Enqere bi boneya balê bikinin ser rewşa girtiyên nexweş çalakiyên xwe vê hefteyê jî li avahiyên ÎHD'ê yên Enqere, Stenbol û li Konakê ya Îzmirê berdewam kirin. 

 

ÎZMÎR 

 

Komîsyona Girtîgehan a Şaxa ÎHD'ê ya Îzmirê bi boneya balê bikinin ser rewşa girtiyên nexweş bi daxwaza "Bila girtiyên nexweş bên berdan" çalakiyên xwe di hefteya 485'an de li pêş avahiya Serokwezîrtiyê ya Navçeya Konakê ya Îzmirê berdewam kir. Xizmên girtiyan û parazvanên mafên mirovan tev li çalakiyê bûn. Parazvanên mafên mirovan vê hefteyê bal kişandin ser rewşa Sekvan Beceriklî yê li Girtîgeha Tîpa T a 2 ya Şakranê û xwestin Beceriklî serbest bê berdan.  Serokê ÎHD'ê Zafer Încîn daxuyanî xwend û wiha got: "Sekvan Becerikli di salên 90'an de li Gundê Dara yê Mêrdînê dema şer derket û ji bo meseleyê fêr bibe derket ser banî bi guleya cerdevanan birîndar bû. Beceriklî bi birîndarî birin qereqolê û bi îdîaya PKK'î ye girtin û şandin girtîgehê. Beceriklî beşek bedena wî felç e. Ligel ku serî li hemû Saziyên Tipa Edli dane jî Beceriklî hêj girtî ye. Niha nikare pêdiviyên xwe bi serê xwe temîn bike. Rewşa wî giran e û divê serbest bê berdan."

 

ENQERE 

 

Înîsiyatifa Ji Girtiyên Nexweş Re Azadî, Parazvanên mafên mirovan û xizmên girtiyan li pêş Şaxa ÎHD'ê ya Enqereyê di hefteya 249’an de kom bûn û xwestin girtiyên nexweş bên berdan. Li ser navê Înîsiyatifê Endama Rêveber a Navendî ya ÎHD'ê Nuray Çevirmen axivi û bal kişand ser rewşa Girtiyê li Girtîgeha Tîpa F a Boluyê Alî Karasayli. Çevirmen, anî ziman ku Ali Karasayli ji ber nexweşiya xwe dive bê emeliyatkirin û xwest Karasayli bê berdan. 

 

 

STENBOL 

 

Komîsyona Girtîgehan a Şaxa ÎHD'ê ya Stenbolê jî bi boneya bale bikişîne ser rewşa girtiyên nexweş xwestin li qada Galatasarayê çalakiya "Rûniştina F" berdewam bikin. Polîsan di hefteya 376’an de dîsa çalakiya Komîsyonê ya li qada Galatasaray asteng kir. Piştî astengiya polîsan komîsyonê li avahiya Şaxa ÎHD'ê ya Taksimê daxuyanî dan. Komîsyonê û xizmên girtiyan di çalakiyê de pankarta “Bila girtiyên nexweş bên berdan" û “Tecrid dukuje piştevanî dide jiyandin" vekirin. Vê hefteyê Rêveberê ÎHD'ê a Stenbolê Ferît Barut daxuyanî da û bal kişand ser rewşa Orhan Eroglu yê li Girtigeha tîpa F a Kirikkale. Barut, ani ziman ku Eroglu di sala 1995'an de ji serê xwe birîndar bûye û dermanê ku niha dixwe di kezeba wî de birinên giran çê dike. Barut, destnîşan kir ku pişti Eroglu birîndar bû û şûnde ji mejiyê xwe emeliyat bû û piyê wî niha felç bûne.  Barut xwest Eroglu, serbest be berdan û bê dermankirin. 

 

Daxuyanî bi dirûşmeya “Tecrîd dikuje, piştevanî dide jiyandin" û “Rûmeta mirov wê îşkenceyê tek bibe." berz kirin.