ÎZMÎR - Jinên li bazara otantîk a Komeleya Çand, Huner û Muzîkê ya Guzelbahçeyê standê xwe vedan, anî ziman ku ji ber di warê aborî de ditengijin tên vira û ji ber bi tena serê xwe li ser piya disekinin kêfxweş in.
Jinên li Komeleya Çand, Huner û Muzîkê ya Guzelbahçeyê li bazara otantîk berên destkariyê difiroşin. Komeleyê 10 sal berê ev bazara ava kiriye û heftê carekê li Parka Berkîn Elvan vedibe. Jin sibeha şemiyê konê xwe li bazarê vedikin.
Seroka komeleyê Emel Ardahanli, anî ziman ku li komeleyê kûrsên destkariyê muzîk û gelek kursên din hene. Ardahanli, bilêv kir ku jinên tên kursan berên çêdikin li bazaran difiroşin û pê debara xwe dikin. Ardahanli, anî ziman ku jinên Taxa Yakayê xwedî li bazarê derdikevin û ji xeynî bazara asasyî îsal bazara otantîkê jî hatiye vekirin. Ardahan li, diyar kir ku 3 meh in ev bazar heye û li vê bazarê amûrên kevn bi usûla pevguherandinê tên firotin. Ardahanli, bilêv kir ku li qezenca j bazarê bi dest dixin pê 4 xwendekaran didin xwendin.
Li bazarê xwişkên hev Ayşe û Ayten Ege, piştî teqawid bûne çûne kursan û hem berên li kursan difiroşin hem jî amûrên destkariyê yên ji diya wan ji wan re mane, fîncanên qehwê yên bi hunera ebrûyê boyax dikin difiroşin. Sevgî Dogan jî, bilêv kir ku piştî teqwid bûye çûye kursa resman û tiştên xêz dike boyax dike û difiroşe. Dogan, anî ziman ku hem pê wextê xwe derbas dikin hem jî pê debara xwe dikin.
'ÇAVÊ ME NE LI DESTÊ ZILAMA YE'
Sûltan Tekkanat ku li ser pêşniyara keça xwe tev li bazarê bûye jî, anî ziman ku 10 sal in li bazarê ye. Tekkanat, diyar kir ku berê qet nexebitîbû û got: "Ji ber niha li bazarê me pir kêfxweş im. Çimkî xwe bi xwe qezenc dikim." Guler Can a 63 salî jî xwarinan çêdike û difiroşe û bi vî awayî debara xwe dike.
Elîf Sezer a 81 salî jî pelan dipêçe û difiroşe û got: "Bi vî awayş pere dikevind estê me. Çavê me ne li destê zilama ye."
Sevîm Yetîş ku havînan li Konyayê fasûle, nok û genim diçîne û paşê tîne bazarê difiroşe, got: "Bi keda xwe debara xwe dikim."
Endezyara çandiniyê Şebnem Turker jî piştî teqawid bûye bi kursên li komeleyê hînî teknîkên dirûtinê bûye. Turker, bi kincên otantîk ên çêdike û difiroşe, di heman demê de li komeleyê dersê dide jinan. Sevînç Kara jî morîkan çêdike û wan difiroşe. Beşalet Turkellî jî li bazarê borekan difiroşe û got: "Em ne kebanî ne, jinên kedkar in."
MA / Sevda Aydin