STENBOL - Dayikên Şemiyê di hefteya 660'an de aqûbeta Hayrettîn Eren ê di 21'ê mijdara 1980’an de hat binçavkirin û windakirin pirsîn. Dayikan diyar kirin ku 37 sal derbas bû, lê hêj kujer nehatiye diyarkirin û gotin: "Hemû îktîdarên faîlê Eren diparêzin, şirîkê sûc in."
Dayikên Şemiyê di hefteya 660'an de li Qada Galatasarayê kom bûn û aqûbeta windayan pirsîn. Ji ber ku vê hefteyê li qadê karê înşaetê hebû, dayik li pêş Lîseya Galatasarayê kom bûn. Dayikan di çalakiyê de pankarta “Faîl diyar in, winda li ku ne" vekirin. Dayikan qurnefilên sor û çarikên spî yên remza aştiyê danîn ser wêneyên windayan. Dîsa wêneyê Seyit Riza ku 80 sal berê hat darvekirin bilind kirin.
Dayikan vê hefteyê aqûbeta Hayrettîn Eren ê di 21'ê mijdarê de 1980'de hat binçavkirin û windakirin pirsîn. Dayika Eren Elmas Eren, ji ber pirsgirêkên xwe yên tenduristiyê tev li çalakiyê nebûn. Xizmên Eren Cemile, Faruk û Îkbal Eren tev li çalakiyan bû.
‘GER KU EM VÊ QADÊ MAZIN BIKIN EM DIKARIN EDALET Û HIQÛQÊ AVA BIKIN'
Xwişka Fehmî Tosun ê di 19'ê Cotmeha 1995'an de hat binçavkirin û windakirin Kiymet Tosun axivî û wiha got: "Ez ji dewletê dixwazim ku kujerê birayê min bibînin û darizînin."
Îkbal Eren jî wiha got: "Em her hefte li asta ku gotin qediya ye ne. Divê her kes vê yekê bibîne. Birayê min Hayrettin ji bo li vî welatî mirov wekî mirovan bijîn têdikoşiya. 37 salin em bêyî birayê xwe dijîn û nefes distînin. Her nefesa me stend, ji bo têkoşîna windayan û birayê min bû. Heta niha gelek hekûmet hatin û çûn. Dosya birayê min gihişt destê hemû hikûmetan."
Eren anî ziman ku Dayikên Şemiyê di 2012'an de bi Recep Tayyip Erdogan re hevdîtin pêk anîn û tenê hestiyên zarokên xwe yê ku qurnefilekê dîne ser gora wan xwest. Rojnameyan wê demê manşetên “Serokwezîr bi Dayikên Şemiyê re hevdîtin kir" avêtin rojnameyan. Îro jî dikarin bêjin Erdogan kijan daxwaz pêk anî bikin manşet."
Li ser navê Dayikên Şemiyê xwarziya Eren Setenay Yarici daxuyanî xwend û diyar kir ku niha darazek ku kujeran darizîne û windayan ronî bike tune ye. Yarici, anî ziman ku dema Hayrettin Eren 26 salî bû, piştî darbeya 12'ê Îlonê der barê wî de biryara girtinê derket û wiha got: “Hayrettin Eren di 21'ê mijdara 1980'an de li pira Saraçhane Haşim İşcan hat binçavkirin. Tevî hevalên xwe hatin binçavkirin. Ewil birin Qereqola Karagumrukê piştre bi 8 kesên di heman operasyonê de hatin binçavkirin re birin Midûriyeta Polîsan a Gayrettepe. Malbat çûn Qereqola Karagumrukê û pirsa Eren kirin. Rayedarên qereqolê jî diyar kirin ku Eren şandine Şaxa Siyasî ya Gayrettepeyê. Dema dayik Elmas Eren çû qereqolê maşina plakeya wê 34 F 6798 ku kurê wê binçav kiribû dît. Lê disa ji Elmas Eren re gotibûn "Kesekî wisa li vir tune ye."
Yarici, da zanîn ku li gel Eren 8 kesên din jî hatin binçavkirin û wiha got: “8 kesên hatin berdan diyar kirin ku şahidin ku Eren hatiye binçavkirin. Dozger ji malbatê re gotiye 'Ez ji we bawer dikim, lê ez vê dozê vekim êdî dê karê min ji destê min here."
’ME 12 ÎLON JI BÎR NEKIRIYE'
Yardimci, destnîşan kir ku dewletê lêpirsînek çalak dest pê nekiriye û wiha bi dawî kir: "Xwesdin dosyayê tev li dosyayên demborî bikin û ser dosyayê bigirin. Piştî hemû rêyên hiqûqî bi dawî bû, Di sala 2014'an de dosya şandin Dadgeha Qanûna bingehîn. Hayrettin Eren li Şaxa Siyasî ya Midûriyeta Polîsan a Stenbolê hatiye windakirin.
Hemû hikûmetên ku kujerên Hayrettin Eren diparêzin û kujerên din diparêzin tev şirîkên sûc in. Me 12'ê îlonê ji bîr nekiriye. Me Hayrettin Eren ji bîr nekiriye û me wan ji bîr nakin."