* Hat gotin polîs li malbatên endamên Meclîsa Ciwanan a HDP'ê ya Wanê dikin û ji bo zarokên wan neçin HDP'ê gef li wan xwarine. Ozgur Arslan, bilêv kir ku polîsan xwestiye li nav kuçeyê wî birevînin, lê belê bi saya gel xelas bûye.
* Sedema alozî û gengeşiya di navbera Îran û Amerîka de ku her çiqas diçe geştir dibe ne çekên nukleerî ye. Ji bo her kes hakimiyeta xwe li ser Iraqê zêde bike ye. Ji ber vê yekî jî di vê pêvajoya amadekariyê de Iraq weke baregehek navendî ji her du aliyan ve tê destgirtin. Di vê rewşî de rola Tirkiye jî girîng e.
* Hevseroka Nûnertiya HDP'ê ya Newlerê Muzzeyen Guneş bal kişan ser avakirina nûnertiya HUDA-PAR'ê ya li Hewlerê û destnîşan kir ku armanca wan pir cuda ye û wiha got: "Çima bi taybet li Başûr nûnertî ava kirin? Ne partiyek mezin e û endamê wê jî li vir tune. Çima pêwistiyê dibîne? Gelê vir cih nedan wan çûn li nokteya MÎT'ê ya li vir nûnertî ava kirin. Ev nîşan dide ku rengekî din ê MÎT'ê ye.
* Der barê 11 kesên li Edeneyê ji bo balê bikişînin ser çalakiyên greva birçîbûnê û rojiya mirinê di roniya sor de 58 saniyeyan rê girtin, lêpirsîn hat destpêkirin.
* Parlementerê HDP'ê Mûsa Pîroglû, destnîşan kir ku divê divê hevdîtinên bi Ocalan re bi awayekî rêk û pêk bên kirin û got: "Divê ji bo aştî û azadiyê hemû hêzên demokrasî bên cem hevdu û bi hev re bitêkoşin. Ocalan rêyên çareseriyê li ber me dixe."
* Abdullah Algan ku piştî hat berdan çalakiya xwe ya greva birçîbûnê li malê domand û bi dawî kir, got: "Zindana peywira xwe bi cih anî, niha dor a me ye." Tûncer Saglam jî got: "Eger heval baş neyên tedawîkirin dibe bi nexweşînên mayînde re rû bi rû bimînin."
* Li Girtîgeha Osmaniyeyê, Mehmet Farûk Engîn ku perçeyên şarapnelê di lingên wî de ne û 2 sal in nayê tedawîkirin, piştî çalakiya greva birçîbûnê bi dawî bû li nexweşxaneyê bijîşk ji bo wî got "ez nikarim leşkerê dewletê meşgûl bikim" û wî muayene nekir.
* Wê Meclîsa ÎSÎG'ê di di nêz de li Amedê bê avakirin. Mahfûz Karaaslan ku dê di meclîsê de cih bigire, diyar kir ku li Tirkiyeyê mafê jiyanê yê karkeran tune ye û bûyerên cinayetên karî tenê bi pirsgirêka çîna karkeran nayê ravekirin.
* Li bin sûrên dîrokî yên Amedê bi boneya "Baxçeyê Gel" şantiyeyeke din jî hat avakirin. Ji ber liv û tevgera makîneyên kar ên giran, dîwarê sûrê yê li rojhilat dinere bi qasî 2 metreyan ketiye.
* Salîh Tekîn ku li avahiya HDP'ê dest bi gerva birçîbûnê kiribû û piştî bangawaziya Ocalan çalakiya xwe bi dawî kiribû, destnîşan kir ku peyama Ocalan ji bo Rojhilata Navîn bûye bêhn û ji bo gelan jî bûye rênîşander.
* Navendên Partiyên siyasî wê ziyareta hev a Cejna Remezanê bikin. (10.00-18.00)