Nivîskar Kerem Bilen, 18 sal berê hat girtin. Bîlen li Girtîgeha Tîpa E ya Trabzonê girtî ye. Bilen piştî kedek mezin pirtûka “Meşa Jiyanê nivîsand. Pirtûka Bîlen ji weşanxaneya Aryenê hat weşandin. Nivîskar Firat Can jî di 2011'an de hat girtin. Li Girtîgeha tîpa L a Antalya girtî ye. Can li girtîgehê pirtûka bi navê “Umuda Bir Ulke/Ji heviyê re welatek” ji weşanxaneya Aryen çap kir. 

Piştî pirtûkên Bîlen û Can hatin çapkirin di pirtûkxaneyan de cihê xwe girtin. Lê piştî pirtûk hatin çapkirin pirtûkên nivîskaran rastî astengiyê hatin. Rêveberiyên girtîgehan pirtûkên Bîlen û Can nedan wan. Rêveberiya Girtîgehê pirtûka Kerem Bilen a “Meja Jiyanê” û pirtûka  Fırat Can a “Umuda Bir Ulke” nedan nivîskaran. Piştî OHAL hat îlankirin binpêkirinên mafên mirovan ên ragihanidinê û bi vî rengî zêde bûn. 

 

Edîtorê Weşanxaneya Aryenê Mehmet Salih Erşarî bertek nîşanî helwesta rêveberiyên girtîgehan da û wiha got: "Ev helwest ji bo nivîskarekî neheqiya herî mezin e. Tu aliyê vê yekê bê qebûlkirin tune. Ev pirtûk di destê komîsyona xwendinê ya girtîgehê re derbas bûne. Lê tevî ku komîsyona girtîgehê ev pirtûk xwendine jî piştî hatin çapkirin nadin wan. Rêveberiya girtîgehê pirtûka ku erê kiriye nade girtiyan. Ev hovîtî ye. "

 

Nivîskar û rojnameger Huseyin Aykol jî anî ziman ku ev qedexe piştekî li dijî aqilan e û wiha got: Ev pêkanîn keyfî ye. Di demên dawî de qedexeyên li dijî pirtûkan zêde bûn. Bi sedemên nayên qebûlkirin pirtûkên nivîskaran nadin wan. Ji xwe nivîskar dizane çi nivîsaniye. Ji xwe ew nivîs ji girtîgehê derketine. Ev tiştekî pir eletewş e." 

 

Firat Can, di sala 2011'an de ji aliyê rejîma Sûriye ve hat girtin û teslîmî Tirkiye hat kirin. Nivîskar Can ku li Girtîgeha Antalya ye pirtûka “Mavi Ulke/welatê şîn" jî nivîsandibû. 

 

Nivîskar Kerem Bilen jî ji navçeya Qilebanê ya Şirnexê ye. Demekê li Herêma Kurdistana Başûr jiyaye. Di sala 1999'an de ji endamtiya PKK'ê hat girtin. Bilen, li Girtîgehae Trabzonê girtî ye. Li girtîgehê pirtûka "Meşa Jiyanê" nivîsand. 

 

MA / Selman Guzelyuz