* Kubra Çelîk ku 10 salan li hember nexweşîna losemiyê têkoşiya got: "Di dest min de tenê kozek hebû, ew jî ken bû." 

 

* Muteahît Mehmet Zakîr Boran, bilêv kir ku li edeneyê 80 ji sedî sektora înşeatê sekiniye û got: "Daîre vala ne, kes nakire, karker betal in, pere tune ye." 

 

* Çalakgerê greva birçîbûnê Nasir Yagiz ku li ser daxwaza Rêberê PKK'ê Abdullah Ocalan di roja 187'a de dawî li çalakiyê anî têkildarî encama çalakiyê û peyama Rêberê PKK'ê Abdullah Ocalan nirxandinên girîng kirin. Yagiz, destnîşan kir ku vê çalakiya wan û peyama Ocalan, hevî, bawerî û biryara gelê Kurd bêtir xurt kir û wiha got: "Vê calakiyê carek din sekna gelê kurd û wateya peyama Ocalan nîşan da. Bawerî û hêviya gelê Kurd bêtir xurt kir. Xebatê min wê hêj nû dest pê bikin. Ji niha û şûnde ezê ji bo yekîtiya gelê Kurd têbikoşim." 

 

* Tirkiye di 27'ê Gulanê de li dijî herêma Xakurkê ya li Herêma Federe ya Kurdistanê operasyona dersînor li dar xistibû. Çavkaniyên herêmê diyar kirin ku di operasyonê de gelek esker hatin kuştin. Gelê herêmê bi hinceta operasyona li dijî axa wan û helwesta PDK'ê ya bi MÎT'ê re tev digere bertek nîşanî PDK'ê didin. 

 

* Dayikên kitanspî, ji bo "zarokên wan nemirin" çalakî li dar xistin. Lê belê ji ber van çalakiyan cezayê pereyî li wan hat birîn. Her wiha polîsan li hin dayikên ku tev li hin çalakiyan nebûne jî ceza birî. Dayikan, diyar kir ku ew ê vî cezayî nedin û gotin: "Divê ne li me, li kesên em bi erdê ve kişandin ceza bê birîn." 

 

* Serokê Şaxa ÎHD'a Îzmîrê Zafer Încîn, diyar kir ku li girtîgehên Herêma Egeyê, piştî grevên birçîbûnê bi dawî bûne girtî bi awayekî rêk û pêk sewqî nexweşxaneyan nehatine kirin. 

 

* Parêzer Sîbel Onder, bal kişand ser zêdebûna bûyerên şidet û cinayeta li hemberî jinan û destnîşan kir ku nexasim ji ber dozên jihevberdanê tên dirêjkirin û ji ber pergala bêcezatiyê kiryar tên xelatkirin. 

 

* Berdevka Komîsyona Girtîgehan a Şaxa ÎHD'a Edeneyê Parêzer Zelal Demîray, destnîşan kir ku girtî giş bi awayekû kelemçekirî sewqî nexweşxaneyan hatine kirin û heqaret li wan hatiye kirin. 

 

* Endamê Konseya Rêveberiya TEV-DEM’ê Bedran Çiya Kurd, diyar kir ku dê rola birêz Ocalan a ji bo çareserkirina pirsgirêkên Sûriye û Tirkiyeyê pir girîng be, heya pirsgirêkên li Tirkiyeyê çareser nebin, siyaseta dewleta tirk a li ser gelê bakur neguhere, dê siyaseta li ser Bakur û Rojhilatê Sûriye jî neguhere. Kurd, anî ziman ku peyama Ocalan ji aliyê hemû gel û pêkhateyên di nava MSD ango Bakurê Rojhilatê Sûriyê ve bi kêfxweşî hat pêşwazî kirin.

 

* Li ser daxwaza Walîtiya Şirnexê, Wezareta Karên Navxweyî endamê Meclîsa Giştî ya Bajêr Alî Akdenîz ê HDP'î ku berî hilbijartinê hatibû girtin ji peywirê hat dûrxistin. 

 

* Hevserokên Giştî yên HDP'ê Pervîn Bûldan û Sezaî Temellî, Serokê Giştî yê CHP'ê Kemal Kiliçdaroglu, Serokê Giştî yê AKP Tayyîp Erdogan û Seroka Giştî ya IYÎ Partî Meral Akşener, bi boneya Cejna Remezanê dê li Stenbolê bin.

 

* Rêxistina HDP, DBP û rêxistinên civakî bi minasebeta Cejna Remezanê wê gor û goristanên kesên di têkoşîna aştî, demokrasî û azadiyê de jiyana xwe ji dest dane ziyaret bikin. (09.00-12.00) 

 

* Malbatên ku li pêş Girtîgeha Jinan Gebze ji bo zarokên xwe nobet digirtin, wê li pêş girtîgehê cejna zarokên xwe pîroz bikin. (12.00)