Tedawiya girtiyên di 16’ê Kanûnê de li dijî tecrîdkirina Rêberê PKK’ê Abdullah Ocalan ketin greva birçîbûnê û piştî banga Ocalan dawî li çalakiya xwe anî, tê astengkirin. Girtiyên li Girtîgehên Tîpa T a Hejmarên 1 û 2 ên Bandirma ketibûn gireva birçîbûnê nayin tedawî kirin. Biryara ji bo ku girtî sewqî nexweşxanê bên kirin, ji aliyê rêveberiya girtîgehê ve nayê bi cih anîn. Girtiyên birine nexwşexanê jî bi kelepçeya di destên wan tedawiya wan hatiye kirin. 

 

MIDURÊ GIRTÎGEHÊ HEVDÎTIN NEKIR 

 

Parlementer û parêzerên roja Înê çûn girtîgehê, diyar kirin ku midûrê girtîgehê bi wan re hevdîtin nekiriye û tenê bi dozgerê girtîgehê re hevdîtin pêk anîne. Hatibû ragihandin ku dozgerê girtîgehê ji parêzer û parlementeran re gotibû; “Em her tiştî dikin. Li gorî bernameyên bijîşik diyar dikin, em tevdigerin. Em nexweşxane anî ber lingê wan.”

 

GIRTIYAN VEGOTIN

 

Parlementer û parêzeran hevdîtina  bi girtiyan re kirin jî, vegotin. Girtiyan ji parêzer û parlementeran ve ev tişt gotin: “Zinar Dogan: Roja duyemîn ez birim beşa lezgîn. Lê li nexweşxanê kes bi me re eleqedar nebû. Dîsan bi zora me girtiyên êşên wan zêde birin nexweşxanê. Ligel vê yekê piraniya girtiyan nabin nexweşxanê. Roja Sêşemê ekîbeke bijîşkan hat. Li ser piyan me giliyê xwe ji wan re got û em muayene kirin. Roja Çarşemê jî tehlîlên me hatin girtin. Hinek girtî serê sibê saet 08.00’an birin nexweşxanê, heya saet 14.00’an karê me qediya û em heya saet 21.00’an dibin navê dê ring were de, di hucreya nexweşxanê de li ser piyan rawestandin. Dûre xwarinên bacana reş û ispenaxa gelandî dan me. Xewê û ron dixin nav xwarina me. Îro Alî Adirbellî, Haserî Yûmûşak, Omer Dûrûdemîr û Erdî Orhan bibin nexweşxanê. Ji ber ku konrolên me nayin kirin, em nizanin ka em başin an na. Hîna jî bêhalî bi me re heye, serê me diêşe û em nikarin bi rêve biçin.

 

DEMA SERÛM DIDIN KELEPÇÊ DERNAXIN

 

Abdullah Kaya: Roja Şemiyê saet 23.00’yan ez rakirim nexweşxanê, serûm dan min. Serê min diêşe, ez bêhalim û bi zorê dimeşim. Bijîşkek hat, lê ez muayene nekirim. Tenê li nexweşxaneyê rewşa wan lezgîn mêze kir. Li nexweşxanê, nêzîkatiyên rûmet şikandinê hene. Li nezaretxanê serûman li me didin. Ligel ku di mêjiyê pişta Omer Dûrûdemîr de gule hebû jî, li nexweşxanê nerazandin. Ligel ku roviyên Îhsan Tuzun kune jî, hina ne birîne nexweşxanê. Li nexweşxanê kes eleqedar nabe û kelepçe ferz dikin. Dema serûm jî didin, kelepçeyan dernaxin.

 

BIJÎŞK GIRTIYAN SEWQ DIKE, LÊ RÊVEBERIYA GIRTÎHÊ PÊK NAYÎNE

 

Înan Soylemez: Serdar Taşçî, Mîkaîl Mûngan û Ekrem Gun ji ber mîda xwe bi gazincin. Hîna jî di vereşin. Piştî grevên birçîbûnê nêzîkatiyên îdarê xerabtir bûn. Heya niha tenê sê girtî birine beşa lezgîn. Şeva yekemîn û duyemîn bijîşkan em sewqî nexweşxanê kirin, lê rayedarên girtîgehê em nebirin nexweşxanê. Berî du rojan rewşa Mahsûm Dîma giran bû û rakirin nexweşxanê.

 

SEWQÊN NEXWEXANÊ HIŞTIN PIŞTÎ CEJNÊ

 

Serdar Taşçi: Di tehlîlên min de enfkesiyon derket. Dest bi dermanên antibiyotik kirin. Sewqên min, Yûnûs Ozer, Metîn Înce û Ekerem Gun ên nexweşxanê hiştin piştî cejnê. Rayedarên girtîgehê piştî grevên birçîbûnê, li gorî bernameyê tevnegeriya.” 

 

MALBATAN HEVDÎTIN KIRIN

 

Li gorî agahiyên malbatên îro çûbûn hevdîtinê, hat diyar kirin ku 5 girtî xwîn vedireşin û girtiyên ketibûn greva birçîbûnê wan bi xwe ji bo xwe bernameyeke xwarinê derxistine.