Çalakgerên greva birçîbûnê Bayram Demîrhan û Ahmet Urun ku di 5'ê Çileyê de li Girtîgeha Tîpa E ya Mêrdînê ketin grevê  û di 27'ê Gulanê de li ser banga Rêberê PKK'ê Abdullah Ocalan dev ji grevê berdan, sewqî nexweşxaneyê hatibûn kirin. Girtî Demîrhan ji ber şert û mercên nebaş ên nexweşxaneyê ji rêveberiya girtîgehê re nameyek nivîsand û xwest biçe girtîgehê. Demîrhan beriya ku bikeve greva birçîbûnê ji ber qezayeke trafîqê ji sedî 20'ê dîtina çavê xwe yê rastê winda kiribû û ji bo vê yekê 6 dermanan bi kar dianî. Di pêvajoya çalakiya greva birçîbûnê de êşa çavê wî zêde bû. Hat ragihandin ku li gel hişyariya bijîjkan a ji bo mayîna nexweşxaneyê jî  Demîrhan li ser daxwaza xwe ya zêde çû girtîgehê. 

 

ÇAVÊ WÎ Y3E RASTÊ KOR BÛ

 

Piştî ku çû girtîgehê ji ber ku çavê wî zêde êşiya, Demîrhan ji bo bijîjkê çav careke din sewqî nexweşxaneyê hat kirin û hat tespîtkirin ku çavê wî kor bûye. Hat hînbûn ku dîtina çavê çepê yê Demîrhan jî ji sedî 30'ê kêm bûye. Ji ber qezaya trafîqê ku derbas kiriye beriya niha Demîrhan du caran ji çavên xwe hatiye emeliyatkirin. her wiha bi Demîrhan re nexweşiya gurçik û xwînbûna mîde û roviyan jî heye. 

 

 

AHMET URUN TABÛRCÎ BÛ

 

Hat hînbûn ku girtî Ahmet Urun ku bi Demîrhan re sewqî nexweşxaneyê hatibû kirin jî ji ber şert û mercên nebaş ên nexweşxaneyê ji rêveberiya girtîgehê re name şandiye û xwestiye biçe girtîgehê. Li gel ku bijîjkan pêşniyar kir ku li nexweşxaneyê bimîne jî ji ber israra zêde Urun ji nexweşxaneyê derxistin û birin girtîgehê. 

 

 

,