Piştî bangawaziya Rêberê PKK'ê Abdullah Ocalan, çalakiyên greva birçîbûnê û rojiya mirinê bi dawî bûn. Ji bo şikandina tecrîdê herî zêde dayikên kitanspî piştgirî dan grevên birçîbûnê û rojiyên mirinê. Bi rojan li ber girtîgehan nobet girtin. Ocalan, di hevdîtina 22'yê Gulanê de bi rêya parêerên xwe peyamek şand û diyar kir ku helwesta dayikan pir girîng e û ew silav kirin. 

 

‘EM NAXWAZIN CAREKE DIN TECRÎD PÊK BÊ' 

 

Ayşe Yavûz ku kurê wê Halît Yavûz di Girtîgeha Umraniyeyê de ye, anî ziman ku peyama Ocalan ew pir kêfxweş kiriye û piştî şiakndina tecrîdê zarokên wan ji greva birçîbûnê derketine. Yavûz, got: "Em naxwazin careke din tecrîd pêk bê. Em dixwazin hevdîtinên bi Ocalan re bi awayekî rêk û pêk pêk bên. Çawa em diçin girtîgehê zarokên xwe dibîjnin, em dixwazin malbata Ocalan jî wisa biçe û bê. Em dixwazin her hefte parêzer biçin." Yavûz, destnîşan kir ku kurê wê gotiye eger careke din tecrîd pêk bê ew ê careke din bikevin greva birçîbûnê û li ber xwe bidin. Yavûz, got: "Em naxwazin tiştekî wis abiqewime. Çimkî em aştî, edalet û biratiyê dixwazin. Em şer naxwazin. Çimkî şer qirêj e. Em naxwazin ne dayikên gerîlayan ne jî dayikên leşkeran bigirîn. Em mirinê naxwazin." 

 

‘BILA ZAROKÊN ME RAKIN NEXWEŞXANEYÊ' 

 

Sînem Guzel ku keça wê Hatîce Guzel di Girtîgeha Bakirkoyê de ye, ji ber grevên birçîbûnê bi dawî bûne û tecrîd rabûye kêfxweş in. Guzel, destnîşan kir ku di dema grevên birçîbûnê de ew li qadan bûne û heke bivê ew ê dîsa dakevin qadan û got: "Înşelleh em ê xeberên xweştir bigirin. Em naxwazin tahde li eksî bê. Em naxwazin li zarokên me jî bê kirin. Em dixwazin rojek berî rojekê zarokên me rakin nexweşxaneyê û em li cem wan bin." 

 

‘DAYIKÊN KITANSPÎ BI SER KETIN' 

 

Fatima Ozdemîr ku kurê wê Yûsûf Ozdemîr li Girtîgeha Şakranê de ye, bilêv kir ku ew naxwazin darbest ji girtîgehan derkevin û got: "Înşelleh em ê di siberojên azad de li cem Leyla Guven û hevalên wê bin. Em bi ser ketin. Girtî û dayikên kitanspî bi ser ketin." 

 

Sîmanperî Akyildiz ku keça wê Kubra Akyildiz di Girtîgeha Bakirkoyê de ye, got: "Em dayikên kitanspî ne. Ez dayika lehenga me ku li girtîgehan li ber xwe didin. Em dayik tim li qadan bûn. Li ber girtîgehan bûn. Em li ber girtîgehan rûniştin. Em bi ser ketin. Me tecrîd ali Îmraliyê şikand. Û zarokên me çalakiya xwe bi dawî kirin. Em derb kirin. Em hatin binçavkirin. Lê me dev ji berxwedana xwe berneda. Heke bivê em ê careke din li ber xwe bidin. Serkeftin a me ye." 

 

‘EM BI WAN SERBILIND IN' 

 

Herdem Demîr ku keça wê Semra Demîr di Girtîgeha Bakirkoyê de ye, diyar kir ku wan li ber girtîgehan nobet girtiye. Demîr, got: "Em dizanin em gihaştin armanca xwe. Em bi ser ketin. Em deyndarê kesên bedena xwe dan ber birçîbûnê. Em bi wan serbilind in." 

 

‘ZAROKÊN ME TEDAWÎ BIKIN' 

 

Demîr, bi bîr xist ku ew çûye girtîgehê û got: "Îdareya girtîgehê bêtir bis er wan de diçe. Tenê zarokên me birine revîrê. Lê em dixwazin wan rakin nexweşxaneyê. Greva birçîbûnêq ediya, lê ji ber zarokên me nabin nexweşxaneyê em xemgîn in." Ji bo tedawiya girtiyan Demîr bang li Wezareta Tenduristiyê kir û got: "Zarokên me bibin nexweşxaneyê. Eger hûn nebin nexweşxaneyê, em dayik em ê careke din bên ber girtîgehan." Her wiha Demîr ji bo peyama Ocalan jî got: "Nexasim peyama Birêz Ocalan a jib o dayikên kitanspî em pir kêfxweş kirin." 

 

Dayik Aştiyê Sabîha Bozan ku li ber Girtîgeha Gebzeyê piştgirî dida dayikan, anî ziman ku ji ber parêzer bi Ocalan re hevdîtin çêkirine ew pir kêfxweş in û ev hevdîtin hêviyek li wan peyda kiriye ûg ot: "Me dizanibû wê bi peyama Îmraliyê zarokên me greva xwe bi dawî bikin." Bozan, ji bo peyama Ocalan a ji bo dayikan jî got: "Ocalan, em dayik silav kirin. Wexta me silava wî girt ji kêfan em giriyan." 

 

 

Her wiha Bozan ji bo tedawiya girtiyan bang li Wezareta Dadê û Wezareta Tenduristiyê kir û got: "demildest zarokên me bi rêbazên mirovane tedawî bikin." 

 

‘3 CARAN HATIM BINÇAVKIRIN' 

 

Dayika Aştiyê Guler Bûgday jî, ji roja ewil tev li nobeta li ber girtîgehan bûye. Bûgday, got: "Ji bo em li ber girtîgehan nobetê negirin, hêzêên taybet şandibûn. Di roja dayikan de di binçavan de bûm. Tu gotin nema ji dayikan re negotin. Heqaret li me dikirin. Lê dîsa jî me tim aştî bilêv dikir. 3 caran hatim binçavkirin, lê me dev ji têkoşîna xwe  berneda çimkî daxwaza zarokên me daxwazeke mafdar bû." 

 

Her wiha Bûgday ji bo peyama Ocalan a ji bo dayikan jî got: "Felsefeya sereke ya Ocalan hezkirin û jiyan e. Me careke din jîd ît ku Birêz Ocalan ehlê jiyanê ye. eger aştî çêbibe wê bi saya jinan çêbibe. Em dayik ji bo aştiyê bi israr in û em ê aştiyê bînin. Em bi peyama Ocalan pir kêfxweş bûn."