RIHA - Parêzeran kesên ku di 18'ê Gulanê de li Gundê Derto yê Navçeya Xalefetiyê piştî şerê rûda hatin binçavkirin, ziyaret kirin. Parêzeran diyar kirin ku, kesên hatine binçavkirin li Midûriyeta Polîsan rastî îşkenceya giran hatine. Parêzeran anîn ziman ku kesên hatine binçavkirin dev û dirarên wan hatine kişandin. Parêzeran da zanîn ku tenê 5 deqîqeyan û di bin çavdêriya polisan de karin muwekile xwe bibînin.
Di 18'ê Gulanê de li Gundê Derto yê Navçeya Xalfetî ya Rihayê polîs û eskeran operasyon pêk anîbû. Di operasyonê de şer derketibû. Di şer de polîsek hatibû kuştin û 2 polis jî birîndar bûbû. Dîsa hat diyarkirin ku 2 endemên HPG'ê jiyana xwe ji dest dane. Piştî şer polîs û eskeran li Xalfetî û Hewagê bi ser gelek malan de girtin û zêdeyî 60 kes hatin binçavkirin. Kesên hatin binçavkirin birin Şaxa TEM'e ya Midûriyeta Polîsan a Rihayê.
Hat zanin ku dema esker û polîsan bi ser malan de girt, di serdegirtina malan de welatî derb kirin û li qereqola polîsan û fermandariya eskeran jî welatî rastî îşkenceyê hatin. Parêzeran diyar kirin ku kesên hatin binçavkirn dest, mil û diranên wan hatin kişandin.
WAN NABIN NEXWEŞXANEYÊ
Parêzeran diyar kirin ku kesên li Hewagê hatin biçnavkirin dest û piyên wan hatine kişandin û tevî rastî lêdanê hatine û laşê wan birîn bûye jî nebirine nexweşwaneyê. Parêzeran anîn ziman ku kesên birine Şaxa TEM'ê ya Polîsan jî bi rêk û pêk rastî îşkenceyê hatine. Li gel 24 saet di ser binçavkirinê re derbas bû jî hêj gelek parêzer nikarin biçin bi muwekilê xwe re hevdîtin bikin. Parêzeran diyar kirin ku yên hevdîtin dikin jî denê dikarin 5 deqîqeyan di bin çavdêriya polîsan de hevdîtin bikin. Parêzeran anîn ziman ku wan ji ber lêdan û derbkirinê muwekilê xwe nas nekirine û wiha gotin: "Kesên hatin binçavkirin û rastî lêdanê hatine, dest, serî, dev û diranên wan wan hatine kişandin. Mirov nikare wan nas bike. Yên ji piyê xwe lêdan xwarine jî nikarin bimeşin. Parêzerên ku rastî astengiyê hatin jî ji wan re gotin "Fermana dozger heye" û destûr nedane ku parêzer biçe hevdîtinê.
LI MALBATA ALAKUŞ ÎŞKENCEYA GIRAN HATIYE KIRIN
Li gundê Derto yê Xalfetiyê ku şer lê rûda jî piştî operasyonê endamên malbata Alakuş hatin binçavkirin û birin Şaxa TEM'ê. Parêzeran anîn ziman ku endamên malbatê rastî îşkenceya giran hatiye û nayên naskirin. Baroya Rihayê bertek nîşanî vê pekanîna dozgeriyê da û xwestin têkildarî mijarê daxuyaniye bide. Serokê Baroya Rihayê Abdullah Oncel anî ziman ku wan bi Serdozgerê Komarê re hevdîtin kiriye û xwestine têkildarî mijarê daxuyaniyê bidin.
Hat zanîn ku piştî şer li gund rûda, Gundê Derto hêj di bin dorpêça polîs û eskeran de ye. Li gnudê Derto û gundên derdorê tevgera eskerî berdewam dike.