ENQERE - Parlamenterên HDP'ê der barê xerakirina Sûrê ya girêdayî "Veguhestina Bajarvaniyê", li Meclîsê civîna çapemeniyê pêk anîn. Parlamenterên HDP'ê ji hikûmetê pirsa "Welatiyên Sûrê yên xaniyên wan tên xerakirin dê di demsala zivistanê de li ku bistirin?"
Parlamenterên HDP'ê Feleknas Uca, Îmam Taşçier û Sibel Yigitalp, der barê xerakirina Sûrê ya girêdayî "Veguhestina Bajarvaniyê", li Meclîsê civîna çapemeniyê pêk anîn. Parlamenterên HDP'ê ji hikûmetê pirsa "Welatiyên Sûrê yên xaniyên wan tên xerakirin dê di demsala zivistanê de li ku bistirin?"
Di civînê de wekîla HDP'ê Yîgitalp, diyar kir ku Sûr bajarekî dîrokî ye û 2 salin tê xerakirin û wiha got: "35 hezar mirov li Sûrê dijîn. Ji ber xerakirinê 25 hezar mirov hatin koçberkirin. Demsala zivistanê li pêş me ye. Av û ceyrana wan hat qutkirin. Kanalîzasyon hatin xetibandin. Hêzên polîsan derkor bi bendan pêça. Mirov bi zorê hatin koçkirin. Dewleta civakî li şûna welatiyan biyareze, koçberî li ser wan ferz kir. Kevirên dîroka wan a hezar salan heye bûn xirbe."
Yîgîtalp, helwesta Serokê AKP'ê Erdogan jî rexne kir û xwest hurmetê nîşanî gelê herêmê bide. Yigîtalp, bal kişand ser hilbijartina di serdema OHAL'ê de jî û wiha got: "Tu hilbijartinên di serdema OHAL'ê û şertên OHAL'ê de rastiyê nîşan nadin."