Di 8'ê Mijdarê de li Îzmîrê operasyona li dijî medyaya civakî hatibû destpêkirin û 21 kes hatibûn binçavkirin, ji wan 8 kes hatin girtin. Demhat Mustafa yê ji Efrînê jî di nav wan kesên derxistibûn edliyeyê de bû, piştî qedexeya derketina derve, bi şertê kontrola edlî serbest hat berdan. Ruxmê biryarê jî Mustafa nehat berdan, bi hinceta "Lêpirsîna terorê" ji bo bişînin Sûriyeyê şandin Navenda Paşve Şandinê ya Harmandaliyê. Dewletê amadekarî dikir ku Mustafa dersînor bike, vê carê ji ber ku qedexeya derketina derveyê welat li ser hebû, nehat şandin.

 

'BI KORSANÎ ŞANDIN WARGEHÊ'

 

Parêzer Mehmet Bayraktar, diyar kir ku piştî wan ji bo miwekîlê wan serbest berdana serlêdan kiriye, hîn bûne ku biryara dadgehê jî hatiye rakirin lê haya wan ji vê yekê tune bûye û ji wan re teblîgat nî nehatiye şandin. Bayraktar aşkera kir ku heke miwekîlê wî bê şandin, dê ewlehiya canê wî bikeve xetereyê, ew li bendê ne lijneya paşve şandinê civîna xwe pêk bîne û der barê miwekîlê wan de biryarê bide. Bayraktar da zanîn ku miwekîlê wî di 14'ê Mijdarê de bi korsanî şandine Navenda Paşve Şandinê û ji ber wê hêj li bendê ne 48 saet bi ser biryara lijneyê re derbas bibe.

 

Bayraktar destnîşan kir ku dê 48 saetên biryara ku der barê miwekîlê wî de tê dayîn, dê sibê tije bibe, diyar kir ku miwekîlê wî di bin çavan de jî zext li wî tên kirin. Malbata Demhat Mustafa jî bertek nîşanê zextên polîsan da û anî ziman ku polîsan sîxûrî li ser kurê wan ferz kiriye, ji ber ku qebûl nekiriye, hatiye binçavkirin. 

 

'HEKE TU ALÎKARÎ NEDÎ TUYÊ 10 SAL CEZA BIGIRÎ'

 

Malbatê da zanîn ku polîsan ji Mustafa xwestiye ku heke ew ji bo wan bixebite, dê parvekirinên wî yên li ser medyaya civakî ji nedîtî ve bên û wiha got: "Polîsan gefa 'Heke tu alîkarî nedî tu yê ji ber van wêneyan 10 sal ceza bigirî. Em ê te bişînin nav DAIŞ'ê" lê xwaribûn." Malbatê derbirî ku Mustafa ji wan 3 roj dem xwestiye, dema ji wan diqete li Kemeraltiyê 3 plîs wî dîsa digirin û ev tişt hat gotin: "Kesên pêşiya wî digirin, gotine ku 'Em îstixbarat in ka nasnameya xwe bide.' Piştî kontrola nasnameyê serbest tê berdan. Piştre bi hejmara telofonê ya 0553 1530*** li hemû malbatê geriyan. Kesî venekir. Herî dawî Berxwedan vekri. Gotin ku em li nexweşxaneyê digerin û xwestin Demhat biçe ewraqan îmze bike. Me piştre li nexweşxaneyê geriya, gotin ku tiştek wiha tune."

 

Malbatê destnîşan kir ku ji bo ew gilî bikin wan serî li Qereqola Anafartlarê daye, hejmara telefonê dane qereqolê, qereqolê ji wan xwestiye ku heke careke din li wan geriyan divê bên qereqolê. Malbatê da zanîn ku dîsa li wan geriya ne, lê dîsa jî tu encam ji qereqolê negirtine. Malbatê aşkera kir ku gelek caran bi hejmarên taybet dîsa li wan geriya ne, piştî wê bi ser mala wan de girtine û Demhat Mustafa binçav kirine. Malbatê serî li Komeleya Mafên Mirovan (ÎHD) a Îzmîrê da û xwe Mustafa serbest bê berdan.