Sendîkaya Karkerên Xizmeta Giştî ya Tirkiyeyê ya di bin banê Konfedersyona Sendîkayên Karkerên Şoreşger (DÎSK) de xebatên xwe dikin, li dijî pergala taşerontiyê li ber Wezareta Ewlehiya Civakî û Xebatê (ÇSGB) çalakî pêk anîn. Ji çar aliyên Tirkiyeyê bi sedan karker tev li daxuyaniyê bûn.

 

Karkerên taşeronî pankarta "Ne personelê peymana taybet, em dixwazin bibin karkerên kadro" vekirin û daxwazên xwe anîn ziman. Karker ji bo balê bikişînin ser şert û mercên koletiyê, dirûşma "Xwe ker neke biqîre, ji koletiyê re serî rake" berz kirin.

 

‘PIRSGIRÊKA KADRO LI PIŞT DERIYAN ÇARESER NABE’

 

Li navê karkeran Serokê Genel-Îşê Remzî Çalişkan axivî. Çalişkan diyar kir ku hikumetê pirsgirêkên kadroyan çareser nekiriye û wiha got: "Rayedarên hikumetê yên pirsgirêkên kadroyan girtine dest, di pişt deriyên girtî de ev mesele nayê çareserkirin, veşartina plan û fikrên xwe yên sendikayan nayê qebûlkirin."

 

HIKUMET PERGALEKE BÊ EWLE AVA DIKE

 

Çalişkan der barê nîqaşên ku hikumet dixwaze der barê memuran de pêk bîne jî axivî û ev tişt got: "Çareseriya ku ew li ser disekinin şayet yek bi yek li gorî fikrada sererastkirina ewlehiya karkerên cemaweriyê bê rastkirin, ev tê wê wateyê ku ev li dijî xala 4/d a bi hemjara 657'an hatiye kirin. Ev jî tê wateya îstihdama bê ewle."

 

Çalişkan got ku "Em dixwazin karkerên taşronî bigirin xala 4/d a hejmara 657'an" û wiha pê de çû: "Ji bo karkeriya taşronî ya di şaredariyan de bi dawî bibe û îstihdam bê avakirin, divê hebûna şirketên taşron bên bi dawîkirin, divê di mewzuata şaredariyê û mewzuata îhaleya cemaweriyê de sererastkirinek bê kirin."

 

Çalişkan aşkera kir ku endamên wan ji kar hatine dûrxistin û xwest endamên wan careke din bigirin kar.