Di 3'ê Mijdarê de polîsan li taxa Huzurevlerî ya Peyasê bi ser mala endamê YPS'ê Murat Çelîk de girtin. Murat Çelîk li dijî polîsan di ber xwe da û bi saetan şer kir. Di saetên serê sibê de malperên înternetê û televîzyonan bi Deqeya dawî "Li Amedê şer" nûçe belav kirin. Televîzyonan bi sernavê "Li Amedê bi ser hucreyên PKK’ê de girtin: 1 terorist hat kuştin" belav kirin. Di şer de polîseki jiyana xwe ji dest da û 9 polis birîndar bûn. Hêj şer didomiya, Cîgirê Serokê Giştî yê AKP'ê Mehdî Eker, derket televizyonê û got "Terorist, jinek û 3 zarokên wê wekî mertal da pêş xwe." Eker bi vî rengi rastî berovajî kir. Dîsa got “Hêzên me yên midûriyeta polîsan 3 zarok û jinek xistin ewlehiyê. ji bo zerar negêje wan hêzên me wan diparêzin" 

 

Midûriyeta polîsan bi 2 helîkopteran û sedan polîsên tîmên taybet, bi dehan maşîneyên zirxî li dijî Mûrat Çelîk operasyon pêk anîn. Hemû kolan li trafîkê girtin û li dijî bavê 3 zarokan Murat Çelik bi saetan şer kirin. Şahidên bûyerê hemû agahiyên di çapemeniyê de hatin belavkirin dewenadin û diyar kirin ku Murat Çelik bi saetna şer kiriye. Şahidan destnîşan kir ku Murat Çelîk piştî zarokên xwe ji malê derxistin dest bi şer kir û 4 saetan şer kir. Mûrat Çelîk ê çepemeniyê tenê bi çend hevokan agahî da û 6 roj şûnde cenaze dan malbat. Murat Çelik ê ku polîsan li dijî wî bi saetan şer kir û 6 roj şûnde cenaze dan kîye? 

 

Malbata Çelik  di 1970’an de ji ber pirsgirêkên aborî ji gundê Hevedanê ya Pasûrê hatin Amedê. Bav Vezir Çelik, navê kurekî xwe kir Mûrat navê kurê din jî kir Firat. Bav Wezîr xwest zarokên wî wekî ava çemê Firat û Mûradê yên Mezopotamyayê serbilind û bi coş û asî biherikin. Bav piştî hat Amedê karê înşaetê û karên din kir. Yek jê keçik 4 zarokên alîkariya wî dikin. Kurê wî Oktay, Murat û Firat alîkariyê didin bavê xwe. Zarokê malbatê yê herî biçûk Firat, bi gotina bav “Dema kevirên Sûrê di guhê wî de dikin pisepis direve Sûrê. Guh dide dilê “Sûra qedexe". Piştî 8 meha li Sûrê dimîne di 10'ê Adara 2016'an de jiyana xwe ji desk dide. Piştî Firat li Sûrê di şer de jiyana xwe ji dest da Bira Murat jî biryar da û tev li YPS’ê bû. Murat ji bo Firat digot "Bi axa kulma destê xwe kêfxweş dibû" û ket şopa Firat. Li pey xwe hevsera xwe Asiye û 3 zarokên xwe ÎUbrahim Arhat (10), Alî Osman (4) û Semanur Hasret a 1 salî li pey xwe hiç û tev li YPS'ê bû. 

 

‘DILÊ MIN DIŞEWITE' 

 

Dayika Murat Çelîk Hatun Çelîk sersaxî li malê qebûl kir. Li Odeya ku tije jin bûne, li milekî wêneyê kurê wê Firat hatiye darvekirin. Jinên ku tên sersaxiyê dayika Xatûn teselî dikin. Em jî li cem wê rûdinên û pirsa "Tu çawa ye" dikin. Ew jî dibêje “Dilê min dişewite” û dibersivîne. Lê nagirî. Êşa ku 2 kurê xwe winda kiriye di dilê wê de heye. Lê dibêje “Ev jî dê derbas bibe" 

 

‘EZ MIZGÎNIYA XWE DIXWAZIM ME KURÊ TE KUŞT' 

 

Dayika Murat Hatun piştî bihîst polîsan bi ser mala kurê wê de girt, bi lez berê xwe dide taxa ku mala Mûrat lê ye. Lê ji ber polîsan her der dorpêç kiriye nikare biçe cihê şer lê. Her çend tevî temenê xwe yê mezin û nexweş hewl da biçe qada şer jî polîsan destûr neda ku biçe. Her çend got “Min berdin ez biçim cem kurê xwe. Min jî bikujin û çekê tînin kêleka min". Lê polîsan dîsa destûr neda. Dayika Hatûn bi satean di erebaya polîsan de rawestandin. Bi saetan dengê çekan, helîkopterê bihîst û bêhna barûdê ket difinê wê. Piştî dengê çekan qut bû û şer bi dawî bû polîsek jin hat cem wê û got “Ez mizgîniya xwe dixwazim. Me kurê te kuşt." Dema Dayika Hatun ev yek anî ziman êşa ruyê wê zêdetir bû û got “Keça min me bi hev didin kuştin" 

 

Dema Dayika Hatun tişta jiya vedibêje behsa Kurê xwe Firat ê li Sûrê di şer de jiyana xwe ji dest da jî kir  û wiha got: "Dema Firat li Sûrê di şer de jiyana xwe ji dest da, hevsera Murat Asiye ji Semanur Hasretê ducanî bû. Ji ber hestera kurê xwe min got dema zarok çê bû em bikin Hasret. Lê Asiye jî got 'Divê em navê Sema Yuce jî liser zêde bikin. Piştre me biryara hevpar da ku bikin “Semanur Hasret”

 

ZAROKÊ LÊDANA DAYIKA XWE QEBÛL PÊHN LI PIYÊ POLÎSAN XIST

 

Hevsera Murat Asiye jî li odeyek din serdana sersaxiyê qebûl dikir. Hem roja bûyerê û hem jî rewşa xwe ya bin çavan vegot. "Dema di bin çavna de ma rastî lêdanê hat û çav û ruyê wê şîn bûye. Asiye 3 zarokên xwe bi xwe re derxist û piştre hat bençavkirin. Kurê wê yê mezin Îbrahim jî ketiye bin bandorê û ji bîr nake. Dema em pirsa “Îbrahim tu çawa ye" dikin, qet gotinek jî ji devê wî dernakeve. Dayika wî dibêje Îbrahim “Ser bilind e” û serê wî miz dide. Îbrahîm ê 10 salî ku bû şahidê şer, bi gotinekê dibêje "Ez ê tola bavê xwe hilînim" 

 

Asiye ku hêj êşa dilê wê zêde ye bi pêkanînên kurê xwe yê 4 salî Ali Osman mizicî û got: "Dema polîsên jin li min dan, kurê min Alî Osman jî bi piyên xwe yên biçûk pêhn li piyê polîsan dan û bertekên xwe bîne ziman. Polîsan wê demê sîleyek li Osman xist, lê Osman dîsa bersîv da. " 

 

‘BÛN FIRAT Û MURAT Û HERIKÎN'

 

Birayê malbatê Oktay Çelik jî sersaxî li malê qebûl kirin. Piştî ku ku di definkirina cenazeyê Murad de polîsan destûr neda bi axivin Oktay, bi nivîskî daxuyani da û bang li Firat û Murat kir û got. “Birayê min ê bi înat. Yek ji we bi şopa neynûkê we, di nava diwaren kevir ên Sûrê de di ber xwe da. Yê din jî li mala xwe di nava diwarên bi xwîn û hêsir de di ber xwe da û gihişt şehadetê. Hûn Firat û Murnat bûn û herikîn. Hûn bi xwîna xwe li ser axa Kurdistanê bûn gul. Ji bo hûn hêvî û azadiye şîn bikin, hûn bûn fedaiyê rûmetê yên paşeroja xwe. Hûn dê her dem bijîn û her dem ciwan bimînin. Hûn ji bo jiyana azad şîn bikin mirin. Em dê piştî we gelek bi hês bin." 

 

‘EM ÊŞÊ DIJÎN LÊ BERXWEDANA ME DÊ MEZINTIR BE' 

 

Me sersaxî ji Oktay xwest û rawestiyan. Lê ew axivî û got: “Dê rûmeta me nekeve. Em dê her dem serbilind bimeşin. Dibe ku 2 şehîdên me hebin. Lê hêj me deynê gelê xwe nedaye. Me deynê xwe yê mirovahiyê hêj nedaye. Em hestera fîzîkî dijîn. Ji niha û şûnde divê em bi têkoşîna wan re sadiq bin. Têkoşina wan ji bo me rûmet e. Em êşê dijîn. Lê hevî û berxwedana me bêtir mezin e. Ya me bi hêz dike berxwedan û têkoşina wan e. Ya li wir şer kir ne kesek bû. Baweriyek bû. Hem ji hewa û hem jî ji erdê bi hezaran gule reşandin. Lê teslîmî qelêşiya pergalê nebû. Birayê min 4 saeran şer kir û di ber xwe da." 

 

Oktay, bertek nîşanî “Zarok kirin mertal " jî da û wiha got: “Murat ewil zarok û hevsera xwe derxist derve. Kî dikare zarokên xwe bike mertal? " 

 

MA / Zuhal Atlan - Semra Turan