Kongreya Demokratîk a Gelan (HDK) di navbera 10-12'e Mijdarê de bi mijarên “Ji Kapital heta Şoreşa Cotmehê, ji Şoreşa Cotmehê heta Şoreşan" sempozyumê pêk tîne. Sempozyum dê li Odela Elite Worldê bê lidarxistin. Sempozyum dê 3 rojan berdewam bike. Akademîsyenên li Tirkiye û kesên navdar ên ji EWropa û Federasyona Sûriyeya Demokratîk bên beşdarî sempozyumê bibin. Der barê Sempozyumê de Hevberdevkê HDK'ê Prof. Dr. Onur Hamzaoglu agahî dan. Hamzaoglu, diyar kir ku li ser vê axê Şoreş hêj hêviyek rojane û zindî ye û wiha got: “Di vê pêvajoya ku OHAL heye û zext zêde ne, pêdiviya me ji zindîkirina heviyan heye. Ji bo min û hevalên min li ser vê axê hevî hêj zindî u rojane ye. Em dixwazin van hêviyan geş bikin û belav bikin. Ji bo zext bên şikandin divê hêvî geş bibin." 

 

Hamzaoglu, anî ziman ku sempozyum bi mijara “Kapital” dest pê dike û wiha got: "Ji ber ku divê kapîtal ji nûve di ber çavan re bê derbaskirin. Tişta me di Kapital de neditine heye ya na?  Yên ku me dîtine divê em çawa pênase bikin? Şoreşa Cotmehê ya Çîna karkeran a di Rêbertiya Lenin de pêk anin, Kapîtal a Marx e. Ji ber ve yekê em ji Kapital dest pê dikin. Em dê Şoreşa Cotmehê bi her alî niqaş bikin. Em dê Materyalizma dîrokî ya diyalektik bi axivin."  

 

‘BERÊ ME BI ŞOREŞA SOSYALİST DE YE' 

 

Hamzaoglu, anî ziman ku di Sempozyumê de dê şoreşên li Zapata, Venezuela, Federasyona Bakur a Suriye, Hindistan û Filipin û gelek şoreşên din bi axivin û niqaş bikin û wiha got: "Dema em li ser van şoreşan biaxivin dê yên di nava wan şoreşan de cihên xwe digirin bi axivin. Şoreşa Cotmehê ku ji bo hemû sol-sosyalistan pir girîng e, HDK’ê peywirek girîng daye ser xwe. Hûn ji milê me yê kurdîtî, tirkîtî, rûmîtî, ermenîtî û kijan milê me de bigirin bigirin rûyê me ber bi sosyalizmê ve ye. Me bere xwe da şoreşa sosyalist a li Tirkiyeyê. 

 

Hamzaoglu, anî ziman ku dê der barê şoreşê de pêşengeha wêneyan vekin. Hamzaoglu, bang li her kesên çep û sosyalîst kir û xwest li Otela Elite World beşdarî sempozyumê bibin.