STENBOL – Çalakiyên bi armanca tecrîda li ser Rêberê PKK’ê Abdullah Ocalan bi dawî bibe û azadiya Ocalan bixwazin li navçeyên Stenbolê hatine destpêkirin bi konêm nû berdewam dikin. Navçeyên Bahçelîevler, GOP û Sultanbeylî çalakî dewr girtin.
Platforma Rêxistinên Demokratîk a Stenbolê ji bo tecrîda li ser Rêberê PKK’ê Abdullah Ocalan bi dawî bibe û azadiya Ocalan bixwazin li navçeyên Stenbolê çalakiya greva birçîbûnê dabûn destpêkirin. Çalakî bi dorveger didomin. Çalakiya greva birçîbûnê îro rêxistinên HDP’ê yên navçeyên Bahçelîevler, Gazîosmanpaşa û Sultanbeylî dewr girtin.
Li avahiya rêxistina HDP’a Bahçelîevlerê çalakiya dan destpêkirin çalakgeran berdilkên ku wêneyê Ocalan û nivîsên “Tenduristiya wî tenduristiya me ye”, “Ewlehiya wî ewlehiya me ye” û “Azadiya wî azadiya me ye” li xwe kirin. Li cihê çalakiyê pankartên bi nivîsa “Ji bo jiyanek wekhev, azad û hevpar ji Ocalan re azadî”, “Bila tecrîd bi dawî bibe û Ocalan azad bibe” û “Em ji bo ewlehî û tenduristiya Ocalan bi xetere ne” hatin daliqandin. Welatiyên çalakiyê ziyaret kirin helbest xwendin û stranan sitrîn.
Li navçeya Sultanbeylî jî li avahiya rêxistina HDP’ê ya navçeyê çalakî dest pê kir. Li dîwarê avahiyê “Ji bo jiyanek wekhev, azad û hevpar ji Ocalan re azadî” hat daliqandin. Welatiyên ji navçeyên Sariyer û Umraniye hatin çalakgeran ziyaret kirin.
'WELAT BER BI FELAKETÊ VE DIAJON’
Yek ji navçeyên çalakî lê hat destpêkirin jî navçeya Gazîosmanpaşa ye. Li navçeya Gaziosmanpaşa û Sultangazî jî welatî li avahiya HDP’ê çalakî dest pê kirin. Li vir jî bi heman naverokê pankart hatin daliqandin. Di çalakiyê de Hevseroka HDP’a Sultangazî Zubeyde Şeker axivî û got: “Niha tecrîd tenê ne li ser Birêz Ocalan e li ser tevahiya gelên cîhanê tê meşandin. Bi vê tecrîdê welat ber bi felaketê diajon. Birêz Abdullah Ocalan tekane mifteya çareseriyê ye.”
Dê li her sê navçeyan jî çalakî sibê bi civînên gel û şahiya stranan bi dawî bibin.