Dayikên Aştiyê bi çarikên xwe yên sipî 20 salin ji bo aştiyek nayinde, edalet û azadiya Ocalan di nava hemû çalakiyan de cihê xwe digirin. Di her çalakiyên greva birçîbûnê de serkêşiya çalakiyan dikin. Di gelek daxuyaniyan de cihê xwe digirin û dixwazin rê li pêş şer û rijandina xwinê bê rawestandin. Niha jî li gelek bajarên Tirkiye û Kurdistanê ji bo azadiya Rêberê PKK'ê Abdullah Ocalan çalakiyên greva birçîbûnê hatine destpêkirin. Çalakiyen ku ji bo Azadiya Ocalan hatine destpêkirin bi pêşengiya Meclîsa Dayikênk Aştiyê hatin destpêkirin. Li Enqereyê jî çalakiya greva birçîbûnê li avahiya Partiya Demokratîk a Gelan (HDP) ku ji ber êrîşan derxistine qata 7'an hatiye destpêkirin. Çalakiyê di pêşengiya 6'an de dest pê kiriye. Niha 6 dayikên Aştiyê dest bi grevê kirine û azadiya Ocalan dixwazin. Dayikan bi kurdî û tirkî pankartên ku azadiya Ocalan dixwazin û dixwazin tecrîda li ser Rêberê PKK'ê Abdullah Ocalan bi dawî bibe nivîsandine û li dîwar xistine. 

 

Tevî ku rêxistina HDP'ê li Qada 7'an e jî piştî çalakiya greva birçîbûnê hat desetpêkirin çûn û hatin gelke zêde bûye. Komek ziyaretvan tên û komek ziyaretvan diçin. Yên tên dayiran ziyaret dikin dixwazin destê dayikan ramûsin. Lê dayik destûr nadin ku destê wan bê ramûsandin. Dayikên ku bi çarikên xwe yên sipî tên zanîn, ji ber çkalakiyên xwe gelek caran doz li wan hatiye vekirin û dewletê çarikên sipî wekî "sîmgeya rêxistinê" pênase dike. 

 

DI GREVÊN BIRÇÎBÛNÊ DE SERKÊŞIN 

 

Dayikên aştiyê di roja yekem a çalakay greva birçîbûnê de cihê xwe girtin. Her dayikek aştiyê bataniya xwe li gel xwe anî û hatin di çalakiyê de cihê xwe girtin. Piştî dayikan cihê xwe di çalakiyê de girtin, ziyaretan dest pê kir. Navber navber çaya bi lîmon û ava bi xwê û şekir tê serwîskirin. Hine dibêjin bila niv şekir be. Hinek dibêjin "Te xwê girt" hinek dibêjin "Perçeyek lîmon" û reng û ruh didin greva birçîbûnê. Hinek jî kom bi kom rûniştine û di nava xwe de sohbet dikin. Hin kes jî ziyaretvanan pêşwazî dikin û wan hembêz dikin. Hin dakiyên aştiyê 

 

Dayika Aştiyê Munibe Koç yek ji dayikên herî zêde di çalakiyan de cih digire. Di nava saziyên demokratîk de dayika herî zêde derdikeve pêş. Dayika Koç car caran kuxik zorê li wê dike. Ji ber zêde dikuxe balê dikişîne ser xwe. Dema pirsa  "Bawerim tu zahmetiyê dikişine" ji tê pirsîn bi awirên tûj wekî ku rexne bike mêze dike û dibêje “Bronşita min heye" û hewl dide ku vê pirsê derbas bike. Dibêje "Bila can û ruhê Serok sax be. Emê xwe ji bo wî feda bikin" Koç, di niqaşan de wiha sohbeta xwe berdewa dike: “Wî ji bo me emrê xwe feda kir. Niha dora me ye. Ger ku em xwe ji bo wî feda nekin em dê çawa bibin mirov" Li wêneyê Ocalan dinere û çend kêliyan radiweste. Dîsa axaftina xwe berdewam dike û dibêje: “Çima ew qas ji serok Apo ditirsin. Çima wî tecrîd dikin. Hûn dizanin? Ji ber ku bi hêza wî nikarin wî tecrîd dikin." 

 

DAYIKÊN KU PIRSGIRÊKA KURD XÊZ KIRIN E 

 

Wekî hemû dayikên aştiyê ku ketine grevê Munibe Koç jî pirsgirêka kurdan bandorek kûr li ser wê kiriye. Ji cih û warê xwe bi zorê hatiye koçberkirin. Birayekî wê jiyana xwe ji dest daye. Kurekî wê li serê çiyê ye. Wekî hemû dayikên din dilê wê bi êş e. Bawer dike ku şer û xwîn tenê ji aliyê Ocalan ve bê rawestandin. Dayika Koç jî wekî gelek mirovên aştiyê ewil di sala 1998'an de ji bo Ocalan dest bi greva birçibûnî kiriye. 

 

JI SALA 1998’AN HETA NIHA JI BO OCALAN DI ÇALAKIYÊ DE YE

 

Dema Ocalan ji Sûriye hat derxistin û birin Ewropayê kurd li her derê ketin nava çalakiyan. Ji bo kurd Ocalan wekî vîna siyasî bidin qebûl kirin li gelek sazî û rêxistinan dest bi çalakiyên greva birçîbûnê kirin. Hin kesan nijadperest jî li dijî hikûmeta Îtalyayê torbeyên makarnayên Îtalya û malên îtalya kêr kirin û hikûmeta Dallema şermezar kirin. Wê demê dîsa Dayika Aştiyê Munibe Koç û gelek dayikên aştiyê ji bo rewşa Ocalan ketin nava çalakiyan. Niha li salonê wekî Münibe Koç ji bo Ocalan gelek dayik ketine grevê li salonê. Yildiz Bahçeci ji wê demê ketibû nava çalakiyan û niha dîsa di çalakiyê dene. Ew jî ji ber biryara kontrola edlî ya der barê wê de 21 rojan hat girtin û di hurceyê de hat girtin. Piştî ku hat berdan gotin “pardon” û ew berdan. Bahçecî jî xwe amade dike ku tev li koma duyemîn a greva birçîbûnê bibe. 

Hemû dayikên ku tev li çalakiyê bibin xwedî heman hest û raman in. Hemû dibêjin “Heta Ocalan azad bibe ji bo me aramî tune ye. Azadiya Ocalan azadiya me ye." 

 

GER EM AZAD BÛNA...

 

Yek ji dayika çalakger dayika 73  salî Hanim Varli ye. Varli diyar dike ku ne ji bo Ocalan, ji bo xwe vê çalakiyê pêk tînin û wiha dirêjî dide axaftina xwe: “Ger ku em azad bûna, Ocalan nedihat girtin. Îro tecrîd pêk nedihat. Me destûr nedida vê yekê. Tirkiye nediket vê rewşe. Varli bi van gotinen xwe balê dikişîne ser daxuyaniyên Ocalan ên têkildarî “Ji Ocalan re azadî" û wiha berdewam dike: "Ocalan dibêje "Hûn berê li azadiya xwe binerin. Hûn berê ji bo azadiya xwe tê bikoşin." Xuya dibe ku Varli tenê pirtûkên Ocalan naxwine. Di heman demê de pirtûkên der barê pêxember û alimên din jî dixwîne. Dîsa pirtûkên Ehmedê Xanî û Cigerxwîn jî dixwîne û ji wan mînakan dide. Dîsa pirtûka Kur-anê mînak dide. Varli, heri dawi diyar dike ku çareserî Azadiya Ocalan e û çareserî bi diyalogên bi Ocalan re ye.

 

WÎ EM AZAD KIRIN

 

Yek ji dayikên Aştiyê ku di çalakiyê de ye Kadriye Ozgan e. Wêneyê keça xwe ya di telefonê de qey kiriye radimûsîne. Ew jî sedema tevlêbûna xwe ya çalakiyê bi gotina “Min çavê xwe bi Ocalan vekir. Berê jiya min çêkirina zarokan û xizmeta zilam bû. Lê wî em azad kirin. Em niha bi Ocalan cîhanê nas dikin. Em dê ji bo Ocalan her tiştî bikin." 

 

Dayiken ku tev li çalakiye bûne diyar dikin ku yên êrîşî Ocalan dikin dê taliya talîyê mohtacê Ocalan bibin. Çalakgera grevê Gulistan Ozgan  jî dema zêde dikeve çalakiye nikare li ser piyên xwe rûnê. Bi alikariya hevalên xwe radibe ser piyan. Lê dîsa dibêje "Tişt nabe. Bila her tişt ji bo Rêberê me feda bibe." 

 

ZÎNÊ RENG DIDE ÇALAKIYÊ

 

Yek ji kesên ku reng dide çalakiyê dayika zaroka 4 salî Zînê ye. Zînê tevî dayika xwe tev li çalakiyê bûye. Bi roseta HDP'ê ku bi sînga xwe vekiriye forsa xwe dike. Li gel Zînê Nimet e. Nimet jî xwe wekî Hevseroka HDP'ê îlan kiriye. Dayikên aştiyê ku ketine greve dê sibê çalakyia xwe dewrî meclîsa Jinan a HDP'ê bikin. Çalakî dê heta 15'ê mijdarê bidome. Dayikên ku ji bo Ocalan nêzî 20 salin di çalakiyan de cih digirin, wekî roja ewil bi biryar û bi kelecan in. 

 

MA / Kenan Kirkaya