NAVEND NÛÇEYAN - Namzetên Hevşaredariyên HDP’ê, mal bi mal, kolan bi kolan û tax bi tax digerin û bê navber xebatên xwe berdewam dikin. Nemzetan, bang li gel kirin ku li dijî polîtîkayên qeyûman xwedî vîna xwe derbikevin û gotin: “Emê ligel hemû zext û zoriyan jî, bi ser bikevin.”
Namzetên Hevşaredariyên Partiya Demokratîk a Gelan (HDP) ê, mal bi mal, kolan bi kolan û tax bi tax digerin û bê navber xebatên xwe berdewam dikin. Nemzetan, bang li gel kirin ku li dijî polîtîkayên qeyûman xwedî vîna xwe derbikevin û gotin: “Em ê ligel hemû zext û zoriyan jî, bi ser bikevin.”
AGIRÎ
Namzetên Hevşaredariya HDP’ê yên Agiriyê Abdurrahman Dogar û Yelîz Karaaslan, bi çapemeniyê herêmî re hatin gel hev. Civîna li otelekê hat lidarxistgin. Parlementerê HDP’ê Abdullah Koç, Dîlan Dîrayet Taşdemîr û gelek rêveberên partiyê beşdarî civînê bûn. Namzetê Hevşaredariyê Abdurrahman Dogar, bersiva pirsên rojnamegeran da û wiha got: “Xebatên em yên hilbijartinê berdewam dikin. Agirî hatiye xizankirin û paşve hiştin. Ji ber kar her roj welatiyên wên koçî metropolan û rojava dikin. Em li Agiriyê bi hêvîne, baweriya me xurt û em bi biryarin. Em dixwazin Agiriyê ji vê rewşê derbixin.”
MÛŞ
Rêxistina Partiya Demokratîk a Gelan (HDP) ê ya Mûşê jî, li ser Cadeya Îstasyonê ya li Taxa Zafer, buroya hilbijartinê vekir. Parlementerê HDP’ê yê Mûşê Mansûr İşik, namzetên hevşaredariyê Sirri Sakik û Sîbel Genç û rêveberên HDP’ê beşdarî vekirinê bûn.
Namzetê Hevşaredariya Mûşê Siri Sakik, di vekirinê de axivî û bal kişand ser darbeya 2’yê Adara 1994’an. Sakik, di dewama axaftina xwe de wiha got: “Wê demê em wekîlbûn û em girtin. Wisan fikirîn ku dê vê têkoşînê tune bikin. Lê xwe xapandin û ev têkoşîn her ku çû mezintir bû. Emê tu carî li dijî zilm û zordestiyê bêdeng nemînin. Emê her tim têkoşîana xwe mezintir bikin.”
Piştî axaftinê buro hat vekirin û namzetan bi gel re sohbet kirin.
GIMGIM
Li navçeya Gimgim a Mûşê jî, Parlementera HDP’ê ya Mûşê Şevîn Çoşkûn, Namzetên Hevşaredariyan Ulku Karaaslan û Mahmût Yalçin, di çarçoveya xebatên hilbijartinê de belavok belav kirin. HDP’iyên belavok belav kirin, ligel sermaya heyî jî kolan bi kolan, cade bi cade geriyan belavok belav kirin û girîngiya hilbijatina 31’ê Adarê ji welatiyan re vegotin.
MILAZGIR
Li navçeya Milazgira Mûşê jî, Namzeta Hevşaredariyê Munevver Ceylan û rêveberên HDP’ê yên li gel wê, li taxan geriyan û ji welatiyan xwestin ku dengê xwe bidin HDP’ê. Ceylan a jin û zarokan eleqeyek mezin nîşan wê dan, diyar kir ku HDP hêviya gelane.
DÎLOK
Rêxistina HDP’ê ya Dîlokê jî, bi tempoyek xurt xebatên hilbijartinê birêve dibe û di çarçoveya xebatan de bi hêzek xurt çû navçeya Ereban. HDP’iyan bi tevlîbûna parlementerê HDP’ê yê Dîlokê Mahmût Togrûl, Hevserokê Bajêr Muslum Kiliç, namzetê endamê meclîsa Şaredariya Ereban Kemal Akbûlût, Orhan Ayhan, Mehmet Bozkûrt, Ahmet Erturk, Hasan Sabanc û Suleyman Yagci konvoyek wesayîtan ava kirin, ji navenda bajêr heya navçeya Ereban tûr avêtin. Niştecihên navçeyê bi nîşaneyên serkeftinê HDP’î silav kirin.
Parlementera Togrûl li ber avahiya Rêxistina HDP’ê ya Ereban xîtabî girseya gel a kom bûyî kir û wiha got: “Stratejiya HDP’ê li Dîlokê pêş xist, dê darbeyek mezin li tifaqa faşîzan a AKP û MHP’ê bide. Dîlok dê carek din bigihêje xizmetkareke rast Namzetê Serokatiya Şaredariya Bajarê Mezin Celal Dogan. Em ê Dîlokê bi Celal Dogan û li Erebanê jî bi namzetên xwe qezenc bikin.”