STENBOL – TJA'yê der barê 8'ê Adarê de dest bi çalakiyan kir. Parlementera HDP'ê Feleknas Ûca di çalakiyê de axivî û ji bo çalakiya bi pêşengiya Leyla Guven hat destpêkirin got: "Ev berxwedan, berxwedana mirovahiyê ye. Ev berxwedan, berxwedana azadiyê ye."
Tevgera Jinên Azad (TJA), bi boneya 8'ê Adarê Roja Jinên Kedkar a Cîhanê li avahiya HDP'a Sancaktepe çalakiyek li dar xist. Parlementera HDP'ê ya Êlihê Feleknas Ûca, endama Desteya Rêveber a Navendî ya HDP'ê Îlknûr Bîrol, Sevtap Akdag, Endama Meclîsa Partiyê ya HDP'ê Asiye Kolçak û gelek jin tev li çalakiyê bûn. Di çalakiyê de pêşî jinên di têkoşîna ji bo jinan de jiyana xwe ji dest dane hatin bibîranîn. Paşê aktivîsta TJA'yê Besra Îşsever helbesta bi navê Leyla Guven xwend. Paşê der barê 8'ê Adarê Roja Jinên Kedkar a Cîhanê de snevîzyonek pêşandan.
BERXWEDANA MILYONAN
Paşê Parlementera HDP'ê Feleknas Ûca axivî. Ûca, diyar kir ku pêvajoya heyî pêvajoyeke giran e û got: "Dibe ku bedêl bên dayîn. Dibe em bên girtin, em bên binçavkirin. Siyaseteke tunekirinê tê kirin. Wekî hevala me Leyla Guven gotî 'berxwedan jiyan e.' Wê gelê me bi vê berxwedanê azad bibe. Wê ewrên reş biçin. Rojên pêş li pêşiya me ne. Pêvajoya heyî pêvajoyeke dîrokî ye. Niha li pêş me 8'ê Adarê, Newroz û hilbijartina herêmî heye. Wê gelê kurd i vê pêvajoyê de bersiveke baş bide faşîzmê. Niha Leyla Guven bi çalakiya xwe ya greva birçîbûnê peyameke mezin dide cîhanê. Çalakî li tevahiya cîhanê belav bû. Em ê tecrîda li Îmraliyê bişikînin. Wê deriyên girtîgehan bên şikandin û wê girtî hemû azad bibin. Ev berxwedan berxwedana mirovahiyê ye, ev berxwedan berxwedana azadiyê ye. Berxwedana ku bi milyonan kes xwedî li vîna xwe derdikevin. Di şexsê Birêz Ocalan de milyon tên tecrîdkirin. Loma em dibêjin daxwaza çalakgeran daxwaza me ye. Tecrîd sûc e."
'8'Ê ADARÊ SERÎRAKIRINA LI DIJÎ KOLETIYÊ YE'
Ûca, destnîşan kir ku divê li Tirkiyeyê aştîxwaz û demokrasîxwaz li dijî tecrîdê derkevin û got: "Loma 8'ê Adarê bi xwe roja berxwedanê ye. 8'ê Adarê serîhildan e. Serîhildana li dijş koletiyê ye. Em ê bi pêşengiya jinên kurd faşîzmê birûxînin. Em ê tecrîd li Îmraliyê birûxînin. Heta tecrîda li ser Birêz Ocalan ranebe wê siyaseta tunekirinê jî her hebe. Eger hûn dixwazin şer rawesta, çareserî li Îmraliyê yeç Loma em dibêjin daxwaza Leyla Guven daxwaza me ye. Daxwaza milyona ye. Çareserî li Îmraliyê ye. Bila kes bi mirinê gefan li gelê kurd nexwe. Gelê kurd tu carî serî netewandiye. Wê ji niha û pê ve jî serî netewîne."
Çalakî, bi konserta koma erbaneyê ya HDP'a Sûltanbeyliyê û muzîkên koma NÇM'ê bi dawî bû.