ENQERE - Înîsiyatifa Ji Girtiyên Nexweş re Azadî, li avahiya Şaxa ÎHD'ê ya Enqereyê daxuyanî dan û xwestin înfaza girtiya nexweş a pençeşêrê Fatma Ozbay taloq bikin.
Înîsiyatifa Ji Girtiyên Nexweş re Azadî, li pêş avahiya Şaxa ÎHD'ê ya Enqereyê, di hefteya 234’an de li hev kom bûn û daxuyanî dan çapemeniyê. Di daxuyaniyê de endama Rêveberiya navendi ya ÎHD'ê Nuray Çevirmen daxuyanî xwend. Çevîrmen, agahiyên Gulser Ozbey ku xwişka wê Fatma Ozbay li Girtîgeha Jinan a Erziromê girtî ye parve kir. Çevîrmen, anî ziman ku Gulser Ozbay diyar kiriye ku xwişka wê Fatma Ozbay li Girtîgeha Erziromê girtî ye û nexweşa pençeşêrê ye û wiha got: "Fatma Ozbay li Girtîgeha Tîpa E ya Erziromê ji ber nexweşiya pençeşêrê tê dermankirin. Nikare milê xwe bikar bine û di nivîsa nameyan de zahmetan dijî. Di gulana 2018'an de nexweşiya wê ya pençeşêrê ket asta sêyêmin. Ozbay emeliyat bûye û pêsîra wê hatiye jêkirin. Piştî Ozbay hat emeliyatkirin 8 seans kemoterapî stendiye. 25 rojin tedawiya radyo terapî dibîne. Fatma Ozbay divê bê berdan û cezayê wê bê taloqkirin. Ji bo bê başkirin divê înfaza wê bê taloqkirin. Divê wezareta Tenduristî û Dadê ji bo gavên çareseriyê têkevin nava hewldanan."