STENBOL - Rojnamegerên li pêş Edliyeya Çaglayanê li dijî cezayê li Rojnamegerên Cumhuriyetê hatibû birîn hat erêkirin, Nobeta Edaletê girtin, ceza şermezar kirin. Rojnamegeran di nobetê de piştgirî dan çalakiya Hevseroka KCD'ê Leyla Guven û xwest her kes hestiyariya ji bo Guven zêde bikin.
Cenazeyê li Rojnameger û xebatkarên Rojnameya Cumhuriyetê hatibû birîn li Dadgeha îstinafê hat erêkirin. Piştî cezayê li rojnamegeran hatiye birîn hat erêkirin, Komek rojnameger, parêzer û nivîskar li pêş Edliyeya Çaglayanê ya Stenbolê kom bûn û "Nobeta Edaletê" girtin. Parêzer, rojnaemger û nivîskarên li pêş peykerê Themîs kom bûn, piştre meşiyan Deriyê C û li vir daxuyanî dan. Ewil parêzerê Doza Cumhuriyetê Gulendam Şah Karabulutlar, diyar kir ku îdîaname di nava 6 mehan de hat komkirin û di nava 12 mehan de komî ser hev kirin û wiha got: "Piştî dadgeha Îstinafê biryar erê kir, der barê 8 kesan de ji ber cezayê herî zêde 5 salin rêya temyizê hat girtin û biryar da. Piştî biryarê hempîşeyên me Bulent Utku û Mustafa Kemal Gungor jî di navde ji 8 kesan dê 7 kes dîsa dê bên girtin. Heta ku bê edaletî û bê hiqûqî hebe, em dest ji daxwazên xwe yên edaletê venagerin."
Prz. Tora Pekin jî anî ziman ku di biryarê de nakokî heye û wiha got: "Kesên ji heman dosyayê ji heman îdîayê û ji heman çalakiyê tên darizandin, hinek ji wan mafê temyîzê tê dayîn û hinek nayê dayîn û rêya girtîgehê li wan tê vekirin. Ev ji aliyê hiqûqê ve ne pêkan e. Ev li dijî hiqûqê û darizandina adîl a qanûna bingehîn e."
Parlamenterê HDP'ê Ahmet Şik jî anî ziman ku ew dê wekî rojnameger biaxive û wiha got: "Ez yek ji bersûcê vê dozê me. Gotina ez bêjim heye, lê êdî ez şerm dikim bêjim. Ev biryar pêşeroja vî welatî ye. Heviya vî welatî ye. Yên ku ev ferman dane yên li qesrê rûniştine ne. Em dibêjin rojnamegerî ne sûc e. Yên uk ev biryar dane ger ku ez wan tevan navêjim girtîgehê bila ez namerd bim."
BANGA JI BO LEYLA
Rojnamegeran di nobetê de piştgirî dan çalakiya Hevseroka KCD'ê Leyla Guven û xwest her kes hestiyariya ji bo Guven zêde bikin. Prz Several Ballıkaya jî anî ziman ku Leyla Guven 106 rojin di greva birçîbûnê de ye û wha got: "Kesên li girtîgehê ketine greva birçîbûnê ji bo demokratîkbûna vî welatî di çalakiyê de ne. Ez dixwazim hemû cemawerî vê çalakiyê û vê daxwazê bibînin. Wekîla me 106 rojin di greve de ye. Ji bo pêşeroja vî welatî ye. Ez dixwazin deng û daxwazên Leyla Guven li vir bilind bikim. Yên ku denge Guven bilind bikin dê hiqûqa civakî jî bibînin. Ji kerema xwe re bila her kes hestiyariya ji bo Guven bêtir bilind bikin."