Komîteya Dîlên Hatin Rizgarkirin a di dema operasyona Reqqayê de hat avakirin û ji bo êzîdîyên dîl hatin girtin xebatê dimeşîne, diyar kir ku di operasyona  Reqqaye de nêzî 500 Êzidîyên ku ji jin û zarokan pêk dihat ji destê DAIŞ'ê azad kir. Endamê Komiteyê ji bo kesên dîl dest bi xebatê kirin. Endama  Komîteyê Binevş Şengal, der barê jin û zarokên ku rizgar kirine de ji Ajansa Mezopotamya (MA) re axivî. 

 

YÊN DÎL HATIN GIRTIN LI MÛSIL JI HEV HATIN CUDAKIRIN

 

Binevş Şengal, anî ziman ku bi komîteya ava kirine xebatên ji bo kesên dîl hatine girtin dimeşîne û wiha got: "Yên dîl hatin girtin birin Tel Afer û Mûsilê. Dema li vir man, DAIŞ'ê malbat ji hev cuda nekirin. DAIŞ’ê piştî demekê DAIŞ'ê malbat ji hev perçe kirin. DAIŞ’ê bi vî rengî hewl da ku êzîdîyan bi tevahî perçe bike û piştre wan tune bike. Li Mûsilê gelek malbat ji hev perçe kirin. Gelek mêr kuştin. Dayik û jinên ciwan ji hev perçe kirin. Ji Iraqê şandin bajarên cuda yên Sûriyeyê. Zarokên ji zêdeyî 7 salî jî ji bo perwerdehiya olî şandin bajarên cuda. Heta Lîbya Erebîstana Sûidî jîşandin. 

 

BAZARA KOLEYAN AVA KIRIN

 

Binevş, anî ziman ku kesên dîl girtin birin bajarên cuda yên Iraq û Sûriye û li wir bazarên koleyan ava kirin û wiha got: "Piştî jin û ciwanên êzîdî dîl girtin dest bi bazirganiya wan kirin û bazara koleyan ava kirin. Ji Sûriye heta Lîbya û Erebîstana Sûidî tora bazara koletiyê avakirin. Tora herî zête di navbera Mûsil û Reqqayê de ava kirin. Bazara herî mezin a koleyan li bajarên Reqqa û Tedmurê ava kirin."  

 

BI OPERASYONAN HATIN RIZGARKIRIN

 

Şengal, anî ziman ku piştî li dijî DAIŞ'ê li Rova û Bakurê Sûriye dest bi operasyonan kirin, gelek êzîdîyên dîl hatin girtin azad kirin û wiha berdewam kir: "Di koma êzîdiyên ewil me azad kirin de 53 kes hebûn. Di koma duyemîn de 47 kes hebûn. Di van koman de hemû zarok û jin bûn. Hêzên YPG, QSD û YBŞ’ê ev kom azad kirin. Operasyona herî mezin a Reqqayê bû. Yekînên Jin ên Şengalê (YJŞ) tev li vê operasyonê bû. 

 

DI OPERASYONA REQQA DE 500 ÊZÎDÎ HATIN  AZADKIRIN

 

Binevş Şengal, anî ziman ku bi operasyona Reqqayê bi sedan ciwan û zarok hatin azadkirin û wiha bi dawî kir: "Li Şengal, Dêra Zor û herêmên din ên DAIŞ'ê dagir kiribû êzîdiyên dîl hatin girtin hatin azadkirin. Herî zêde jin û zarok û herî kêm mêr hatin azadkirin. Ji ber ku piraniya mêrên li Şengalê dîl hatin girtin li Tel Aferê tên girtin. Dema DAIŞ ji wir qetiya jî ew jî bi xwe re birin. Me Komîteya Dîlên Hatin Azadkirin ava kir. Pişti me ev komîte ava kir me heta niha 500 jin û zarokên êzîdî yên dîl hatin girtin ji destê DAIŞ'ê azad kir. Yên li Reqqayê hatin azadkirin radestî Asayişa Jinan a Rojava hatin kirin. Yên hatin azadkirin birin tev li Tevgera Jinên Azad a Êzidî Meclîsa Xweser a Demokratîk a Şengalê kirin. Wan jî dîlên hatin azadkirin teslîmî malatên wan kirin. 

 

MA / Nazim Daştan - Selami Aslan