MELETÎ - Bavê Sebahat Tûncel a li dijî tecrîdê di greva birçîbûnê de ye Fahrettîn Tûncel, bilêv kir ku ew piştgiriyê didin biryara keça xwe, lê piştgiriya malbatê tenê têr nake û got: "Divê hêzên demokrasiyê û gel jî xwedî li çalakiyên greva birçîbûnê derkevin." 

 

Çalakiya greva birçîbûnê ya Hevseroka Kongreya Civaka Demokratîk (KCD) û Parlementera HDP'ê ya Colemêrgê Leyla Guven ku ji bo tecrîdkirina Rêberê PKK'ê Abdullah Ocalan bi dawî bibe da destpêkirin di roja 99'an de didome. Bi heman daxwazê li girtîgehan jî zêdetirî 300 girtî di greva birçîbûnê de ne. Yek ji wan jî Hevseroka Giştî ya DBP'ê Sebahat Tûncel e ku 31 roj in di greva birçîbûnê de ye. 

 

‘DIVÊ TECRÎD BI DAWÎ BIBE' 

 

Bavê Tûncelê Fahrettîn Tûncel, destnîşan kir ku li derve li heberî tecrîdê têkoşîneke pir cidî tune ye û got: "Hikûmet jî wekî tiştek tune be tev digere, lê li girtîgehan pirsgirêkên cidî hene. Ji bo ev pirsgirêk bi dawî bibin, demildest divê tecrîd bi dawî bibe." 

 

‘DIVÊ DENGÊ ZAROKÊN ME BÊ BIHÎSTIN' 

 

Tûncel, anî ziman ku wê çareserkirina pirsgirêa kurd bi kêrî demokratîkbûyîna Tirkiyeyê bê û got: "Mesele tenê ne hevdîtina bi Ocalan re ye. Hevdîtina bi Ocalan re, tê wateya bidawîbûna nêvenga pevçûnî. Daxwaza çalakgeran ew e ku hevdîtin bi Ocalan re bê çêkirin. Loma divê dengê zarokên me yên di greva birçîbûnê de bê bihsîtin. Divê dewlet û civak vî dengî bibhîse. Divê herkes û rewşenbîr ji bo vê yekê tev bigerin. Nêvenga pevçûnî bi kêrî kesî nayê. Tenê dibe sedema mirinê û rondikên çavan." 

 

Tûncel, divê cezayê ji ber daxwazkirin ji bo aştiyê ev qasî ne giran be. Tûncel, destnîşan kir ku civaka aştî dikare bi hewldanên rewşenbîrên pêşverû û demokratîk pêk bê. Bav Tûncel, anî ziman ku eger di nav civakê de liv û tevgerek çênebe, dibe ku li girtîgehan mirin rû bidin. Tûncel, bilêv kir ku ji bo mirin rû nedin divê demildest liv û tevger çêbibin. 

 

‘TECRÎD BI HEVDTÎNEKE 15 DEQÎQEYÎ RANABE' 

 

Tûncel, bal kişand ser hevdîtina 12'ê Çileyê ku Rêberê PKK'ê Abdullah Ocalan bi birayê xwe Mehmet Ocalan re hevdîtin çêkir û got: "Tecrîd, bi hevdîtineke 15 deqîqeyî ranabe. Berdana Leyla GUven jî ji ber vê bû 'bila li ber deriyê me nemire, li mala xwe bimire.' Li girtîgehan bi sedan mirov di greva birçîbûnê de ne. Ev pirsgirêk (tecrîd), bi tahliyeyekê an jî bi hevdîtineke 15 deqîqeyan çareser nabe. Ev pirsgirêk, pirsgirêkeke civakiyî ye. Loma divê çareserkirina wê jî civakiyî be. Daxwaza girtiyan ew e ku diyalog dest pê bike. Berê, wexta diyalog çêbûn demeke dirêj cenaze nehatin vî welatî. Mirov nemirin, xwîn neherikî. Ev rewş bi dilê herkesî bû. Divê ev yek careke din jî dest pê bike û çêbibe." 

 

‘REWŞA WÊ GIRAN DIBE'

 

Bav Tûncel, destnîşan kir ku rewşa tenduristiya Tûncel her diçe girantir dibe. Tûncel, bertek nîşanî cezakirina Tûncelê jî da û diyar kir ku kî muxalîf be wekî "terorîst" tê îlankirin, lê belê bi vî awayî wê pirsgirêka kurd neyê çareserkirin. 

 

'DIVÊ XWEDÎ LI ÇALAKIYA WAN BÊ DERKETIN' 

 

Tûncel, destnîşan kir ku ew malbat piştgiriyê didin biryara Tûncelê ya ji bo greva birçîbûnê û got: "Desteka me ya ji bo grevên birçîbûnê ne, ne bes e. Helbet, desteka malbatê girîng e, lê ne bes e. Ev pirsgirêk bi desteka malbatê tenê çareser nabe. Divê gel û hêzên demokrasiyê jî xwedî li grevaên birçîbûnê derkevin. Jixwe tecrîd tenê ne prisgirêka girtiyan e. Girtî ji bo vê berpirsiyariya xwe bi cih tînin û bi vî awayî peyamê didin civakê. Peyam pri zelal e. Loma divê civak jî xwedî li çalakiya wan derkeve."