ŞIRNEX - Axa bin avahiyên TOKÎ dîsa hilweşiya. Di encama hilweşîna axê de boriyên bi milyon tl yên kanalîzasyonê derketin ser axê.
Li Bajarê Şirnexê ku di 14'ê Adara 2016'an de qedexeya derketina derve hatibû îlankirin û piştî 8 mehan bajar di bin êrîşa tang û topan de ma, hemû taxên Şirnexê bi tang û topan hatin rûxandin. Niha li şûna van avahiyan TOKÎ xanî ava kirin. Lê xaniyên TOKî hemû bi pirsgirêk in. Hefteya borî axa bin avahiyên tokî xişikî bû. Piştî diwarê parastinê xera bû axa bin avahiyan tev hilweşiya û xişikî. Axa bin avahiyan dîsa hilweşiya û boriyên kanalîzasyonê yên bi 20 milyon TL hatibûn rapêçandin derketin ser axê. Li taxên din jî heman boriyên kanalîsazyonê yên hatine raxistin li ser rûyê axê xûya dibe. Bikarînerên medya civakî li ser hesabên xwe bertek nîşanî vê rewşê dan.