NAVENDA NÛÇEYAN - Li gelek bajaran li dijî operasyona 4'ê Mijdarê ya li dijî parlamenterên ya HDP'ê pêk hat çalakî hatin lidarxistin û darbeya siyasî hat şermezar kirin. Di çalakiyan de hatin diyar kirin ku HDP li ser piyan e.
Operasyona 4'ê mijdarê ku wekî "Darbeya 4'ê mijdarê" ya li dijî hevserok û parlamenterên HDP'ê pêk hat li gelek navendan hat şermezarkirin.
WAN
Li herêma Serhedê li Wan û Agiriyê bi boneya “Darbeya 4’ê Mijdarê” ya li dijî HDP’ê daxuyanî hatin dayîn. Li avahiya HDP’a Wanê civîna çapemeniyê pêk hat û Wekîlê HDP’ê Lezgîn Botan, Hevserokên HDP’a Wanê Yadîşen Karabulak û Umît Dede, aktîvîstên TJA’yê, nûnerên KCD’ê û gelek kes beşdar bûn. Hevserokê HDP’a Wanê Umît Dede daxuyanî da û got ku li Tirkiyeyê hemû alî û muxalîfên têkoşîna demokrasiyê didin meşandin di bin zextan de ne û di nav salek dawî de 15 wekîl hatin girtin û hêj 9 wekîl di girtîgehê de ne.
AGIRÎ
Li Agiriyê jî rêveberên HDP’ê û DBP’ê û gelek welatî xwestin li ser Kolana Tahîr Elçî daxuyanî bidin. Polîsan bi hinceta OHAL’ê destûra dayîna daxuyaniyê neda û li ser vê yekê daxuyanî li avahiya HDP’a Bajêr hat dayîn. Hevserokê HDP’a Agiriyê Olcay Ozturk bibîr xist ku ji 4’ê mijdarê vir ve 15 wekîl hatine girtin û ew ê li dijî pêngavên tasfiyekirina siyaseta demokratîk vala derbixin dê têkoşîna xwe bidomînin.
MÊRDÎN
Rêxistinên HDP û DBP’ê yên Mêrdînê jî li avahiya HDP’ê ya Bajêr civîna çapemeniyê li dar xistin. Wekîlê HDP’ê yê Mêrdînê Erol Dora û gelek welatî beşdarî civînê bûn. Di civînê de Hevserokê HDP’a Mêrdînê Alî Sîncar axivî û got: “Em ê rê nedin polîtîkayên ku partiya me û siyaseta demokratîk tasfiye dikin. Wê têkoşîna me ya rêxistinî û siyasî berdewam bike.”
MELETÎ
Rêxistina HDP’a Meletiyê jî bi heman naverokê li avahiya partiye civîna çapemeniyê li dar xist û “Darbeya 4’ê mijdarê” şermezar kir. Hevseroka HDP’a Meletiyê Perîhan Yucekaya piştî salvegera 4’ê Mijdarê her çiqas salek bi ser re derbas bûye jî dê bêhiqûqiya qebûl nekin.
ANTALYA
Bi heman armancê Rêxistina HDP’a Antalya jî li avahiya Navçeya HDP’a Kepezê civîna çapemeniyê li dar xist û rêveber û hevserokên partiya bajêr û navçeyan û gelek welatî beşdarî bûn. Li vir Hevseroka HDP’a Antalya Songul Şarkli axivî û operasyona li dijî hevserok û parlamenterên wan bibîr xist û got ku ew ê van bêhiqûqiyên li dijî wekîl û partiya xwe qebûl nekin.
EDENE
Rêxistdina HDP'ê ya Edeneyê, bi armanca darbeya 4'ê Mijdarê şermezar bike li avahiya xwe daxuyanî da çapemeniyê. Nûnerên EMEP, DBP, Malên Gel û gelek saziyên civakî amade bûn. Di daxuyaniyê de Hevserokê HDP'ê yê Edeneyê Huseyin Beyaz, diyar kir ku darbeya li dijî HDP'ê û OHAL darbeya herî mezin a li dijî demokrasiyê ye û helwesta meclîsê ya li dijî vîna gel û demokrasiyê şermezar kir.
Endama MYK'ê ya HDP'ê Asiye Kolçak, jî anî ziman ku operasyonên li dijî avahiya wan berdewam dikin û wiha got: "AKP dixwaze wan bi girtîgehan terbiye bike. Lê nikare biser bikeve. Tu girtîgeh nikare bi me çong bide xwar. Koçak, anî ziman ku wekîla HDP'ê ya Edeneyê Meral Daniş Beştaş ji ber twittera der barê kuştina ciwanekî de rastî 2 sal û 3 meh ceza hat. Wekîla me xwest cînayet bê ranîkirin. lê li şyûna cinayet ronî bikin ji aliyê AKP'ya faşîst tê xwestin ku wekîltiya wê bixin. Tevî hemû zextan HDP li ser piyan e û têkoşîna xwe berdewam dike."