* Pîrebokên Kampusê, dê bi şîara “Ne koletî, îsyan heye” di 25’ê Mijdarê Roja Têkoşîna Li Dijî Tundiya Li Ser Jinan a Navneteweyî  de çalakiyên cûda li dar bixe. 

 

* Serokê TURSAB’ê yê bajarên heremê  Cevdet Ozgokçe diyar kir ku piştî 7’ê hezîranê ji bilî turîstên Îranî turistên welatên din nehatine Wanê û turîzma bajêr bi saya turîstên Îranî xwe li ser piya digire. 

 

*Girtiyê bi navê Dogan Ozmen destê wî yê rastê tune û bi sûcdariya "Bi destê xwe yê rastê zerar daye malê cemaweriyê û molotof avêtiye" 2 sal û 8 meh e di girtîgehê de ye. Ozmen got ku "Ez milê xwe qet nikarim bixebitînim, çawa dibe ku ez molotofê davêjim" û sûcdariyên der barê xwe de derewand.

 

* Endamê “Koma Aştiyê ya Yekemîn” Seydî Firat ku li ser banga Rêberê PKK’ê Abdullah Ocalan hat Tirkiyeyê, balê kişand ser qedexekirina hevdîtina bi Ocalan re û wiha got: “Bi vê yekê gelê kurd tê cezakirin.” 

 

* Erdogan Alturkê ku tamîrkirina gramofonan ji cîranên xwe yê ermen hîn bû û di heman demê de wênesaz e, anî ziman ku dema xeyrî mislim koç kirin, huner jî bi wan re koç kir. 

 

* Mûrat Yilmaz ku pêgirtiyê tiryakê ye û di girtîgehê de ye, gef li hevjîna xwe Neslihan Îkîncîsoy xwarin û jê  re gotiye “Heke tu ji bo cixareyê esrarê neyînî girtîgehê ez ê te bikujim.” Li ser vê gefê dema Neslîhanê esrar bir girtîgehê hat girtin. 

 

*  Nûnerên rêxistinên civaka sivîl, bal kişandin tecrîda li ser Rêberê PKK’ê Abdullah Ocalan. Nûneran hikûmetê hişyar kir ku da dev ji tecrîdê berde. 

 

* Li navçeya Çaldêranê ku mehên zivistanê dijwar derbas dibin welatî amadekariyên zivistanê dikin. Welatî herî zêde stokên kartol, kelem, pîvaz û komirê dikin. 

 

* Li Rihayê pîşeya kevnare qezazî ku berê porbenkên jinan, raht û rîşên qeytanan çê dikir, ji aliyê Emîn Gungor ve hîn jî jîndar e. 

 

* Endama MYK’ê ya Jinan a CHP’ê Perîhan Yardimci, dest nîşan kir ku qanûna miftîtiyê ya ku di Meclîsê re hat derbaskirin, dê bi awayekî neyînî bandorê li hemû jinan bike . Yardimci got ku divê pêşeroja jinan nekeve destê miftiyan. 

 

*Parêzerê Odeya Mîmaran Can Atalay, ji aliyê darazê ve betalkirina projeya ku dihat plankirin li Tarlabaşiyê di bin navê “veguherandin bajêr” de bê çêkirin, lê belê bû sedema koberiya bi sedan mirovî, nirxand û wiha got: “Tehcîr li şêniyên herêmê ferz kirin.” 

 

* Rûniştina doza Parlamentera HDP'ê ya Colemêrgê Selma Irmak ku girtî tê darizandin, dê li 5'emîn Dadgeha Cezayên Giran a Amedê bê dîtin. (10.00)

 

* KESK, DİSK, TMMOB û TTB, ji bo OHAL bê rakirn dê li li Navenda Hunera Hemdem civîna hevpar pek bînin. (11.00)

 

* Li gelek navendan dê ji bo tecrida li ser Rêberê PKK'ê Abdullah Ocalan şermezar bikin û azadiya Ocalan bixwazin dê çalakî bên li darxistin. (11.00-15.00)

 

* Platforma Rêxistinên demokratîk a Stenbolê bi armanca tecrîd bi dawî bibe û azadiya Rêberê PKK'e Abdullah Ocalan bixwazin dê name û faks ji CPT û Wezareta Dadê re bişînin. (13.00)

 

* Baroya Amedê ji bo kujerên Tahîr Elçî bê dîtin dê di hefteya 99'an de çalakiya xwe ya li ber Edliya Amedê berdewam bike. (13.30)