Li Nexweşxaneya Dewletê ya nevçeya Cizîra Şirnexê, piştî mirina Feyruz Pulan û zaroka wê ya 8 mehî ya di zikê wê de ku ket rojevê, hîna jî pirsgirêka nebûna bijîşkan didome. Ji ber nebûna pisporê welidandin û nexweşiyên jinan, di 26’ê Tebaxê de Pulat û zaroka xwe ya 8 mehî, di encama mudaxileya şaş de jiyana xwe ji dest dan. Rayedarên Wezareta Tenduristiyê piştî mirina Pulat û zaroka wê li nexweşxanê lêpirsîn dan destpêkirin û soza amûrên teknîkî û tayîn kirin bijîşkan da. Lê ligel 2 meh derbas bûn jî hîna bijîşk tayînî nexweşxanê nehatine kirin.  

 

JI 3 BIJÎŞKAN YEK JÊ DIÇE 

 

Li nexweşxanê beşên herî bi pirsgirêk, beşa nexweşîn û welidandina jinan û polîklînîka  nexweşîn û tenduristiya zarokan e. Rojê nêzî 100 nexweş serî li van beşan didin. Hin nexweş bi rojan li benda sireyê dimîn in û bi sedan nexweş jî serî li nexweşxaneyên taybet ên herêmê didin. Di servîsa welidandin û nexweşîna jinan de tenê 3 bijîşik dixebitin. Bijîşkek ji bo demekê hatibû û dê di rojin pêş de ji bajêr veqete. Rayedarên Nexweşxanê, diyar kirin ku herî kêm divê 7 bijîşkên vê beşê hebin.         

 

WEZARET SOZA XWE NEGIRT

 

Rayedarên nexweşxanê, dan zanîn ku Wezareta Tenduristiyê piştî mirina Pulat û zaroka wê, soza ku dê bijîşkan bişînin bajêr dan, lê hîna jî tu bijîşik tayîn nekirine. Rayedaran, anî ziman ku divê herî kêm 80-90 bijîşik li nexweşxanê hebin û wiha gotin: “Di hemû beşande zêdebûna nexweşan heye. Bi sedan nexweş berê xwe didin nexweşxaneyên taybet ên derdora bajêr û tên dermankirin.”

 

SERLÊDANA SÛC KIRIBÛ 

 

Feyruz Pulat a 8 meh ducanî di 26’ê Tebaxê de, sanciyê wê zêde dibin û bi ambulansê radikin nexweşxanê. Pulat piştî saetekê di beşa lezgîn de dimîne, bi zarok xwe ve jiyana xwe ji dest dide. Hevjînê Pulat Husnu Pulat, diyar kiribû ku hevjîn û zaroka wî ji ber xemseriyê jiyana xwe ji dest dan û serî li Serdozgeriya Komarê ya Şirnexê dabû.