WAN - Ker û lalê girtî Kenan Keklik, bi sûcdariya "Dirûşme berz kiriye û propaganda rêxistinê kiriye" rastî 3 sal û mehek û 15 roj cezayê girtîgehê hat. Keklik ê girtî 54 salin ker û lal e. Keklîk, bi nivîskî bertekên xwe anî ziman û diyar kir ku berê jî Salek û 9 mehan bê ceza hat girtin û got: "Ez 54 salin ker û lal im. Çawa dikarim slogan berz bikim. Divê her kes li hemberî vê rewşê hestiyar be."
Kenan Keklîk ê 54 salî ku ker û lal e, di 26'ê Nîsana 2011'an de li navçeya Melezgirt a Mûşê di çalakiya Bê Îteatiya Sivîl a ku Partiya Demokratîk û Aştiyê (BDP) dabû destpêkirin de bi îdîaya "propaganda rêxistinê kiriye" hat girtin. Keklîk, bi sucdariya "dirûşme berz kiriye û propaganda rêxistinê kiriye" rastî 3 sal û mehek û 15 roj cezayê girtîgehê hat. Keklik ku berê 9 mehan li Girtigeha Tîpa E ya Mûşê girtî ma û hat berdan, piştî cezayê wî yê 3 sal û 45 roj (3 sal û mehek û 15 roj) ê bi îdîaya "Propaganda rêxistinê kiriye" hat erêkirin, dîsa di 11'ê Tîrmehê de hat girtin. Vê carê Keklîk şandin Girtîgeha tîpa T a Wanê.
CÎHAZA DENG NADIN WÎ
Keklîk ku li nexweşxaneyên Mûş, Wan û GATA rapora ji sedî 75 astengdarê ker û lal e, nikare cîhaz bistîne. Keklîk ku di sala 1998'an de bi sucdariya "Propaganda rêxistinê kiriye" hat girtin û şandin Girtîgeha Tîpa H a Erziromê, piştî demekê girtî ma hat berdan. Dema 9 mehan li Girtîgeha Tîpa e ya Mûşê hat girtin jî ji muddetnameya wî xist. Keklîk ji bo cezayê wî ji muddetnameya girtîgehên Mûş û Erziromê bixin serî li rayedaran da, le heta niha tu encam negirtiye. Keklik li girtîgehê jî mexduriyeta wî berdewam dike. Ji bo cihazê deng ku pê pere ye bidin Keklik jî 3 hezar û 500 TL pere jê dixwazin.
'JI DAYIKBÛNÊ DE KER Û LAL E'
Keklîk ku ji zarokbûnê ve ker û lal e, neheqiya li qî ha tiye kirin bi nivîskî anî ziman û wiha got: "Ez 54 salî me. 54 salin ker û lal im. Raporên ku min ji nexweşxaneyên dewletê girtî ya ker û lalbûnê hene. Ez di sala 2011'an de ji sucdariya propaganda hatim girtin. Bi hinceta min di lehê rêxistinê de dirûşme berz kirine hatim girtin. Ez ker û lal im ez dê çawa dirûşmeyan berz bikim. Tevî rapora min hebû jî ceza hat erêkirin. Li hemberî rewşek wisa gotina ez bêjim tune."
SKANDALA DUYEMÎN A DARAZÊ
Keklik, da zanin ku berê li Girtîgeha Erzirom û Mûşê hatiye girtin û Dadgeha Bilind girtina wî ya berê ji vî cezayê niha li wî birîne kêm neriye û wiha nivîsî: "Çawa tê hesabê wan wisa ceza didin. Ger ku we ceza da min û erê kir. Wê demê hûn çima hûn salek û 9 meh girtina min a bê sûc li ber çavan nagirin. Hûn çima vê dema ez hatime girtin ji vî cezaye min naxin. Tiştekî wisa nehatiye dîtin.
Min bi dehan caran daxwazname ji Wezareta Dadê re nivisand. Lê min tu bersîv negirt. Berê salekê ez bi awayekî keyfî li Erziromê hatim girtin. 9 mehan ji bi keyî li Mûşê hatim girtin. Niha jî bi awayekî keyfî ceza li min dibirin. Divê Salek û 9 mehên ku berê ez hatibûm girtin ji cezayê min bixin. Ji ber parêzerê min tune kesên bi doza min eleqeder bibin tune ye. Ez bang li hemû kesên xwedî hestiyar dikim ku li hemberî vê yekê hestiyar tev bigerin.
CÎHAZÊ DENG NADIM MIN'
Keklîk, destnîşan kir ku ji bo cîhazê deng ê ku divê bê pere bidin wî 4 caran çûye nexweşxaneyê lê hêj cîhaz negirtiye û wiha got: "Rewşa min a abori ne baş e. Ez carekê bi ceza mexdûr kirim. Niha jî cîhaz nadin min û min mexdûr dikin. Ji bo cîhazê 3 hezar û 500 TL cezayê pereyan ji min dixwazin. Ez dixwazim ev mexdûriyeta min li ber çavan bê girtin."
MA / Selman Keleş - Girtîgeha Tipa T a Wanê