AMED - Parêzera malbata Kemal Kurkut Prz. Reyhan Yalçindog, serî li dadgehê da û xwest polîsê ku muwekilê wê kuştiye bê girtin û girtî bê darizandin. Yalçindag, anî ziman ku pêwiste dadgeh tensipan bike û biryara kujer bide."
Xwendekarê Zanîngeha Înonu Kemal Kurkut, di 21'ê Adarê de ji Meletiyê hat Amedê û li tenişta qada Newrozê ji aliyê polîsan ve hat kuştin. Piştî kuştina Kurkut, ewil qedexeya weşandina nûçeyan dan, piştre jî biryara veşartina dosyaye dan. Dadgeha Sulh Ceza, li ser daxwaza Serdozgerê Komarê yê Amedê, têkildarî lêpirsîna doza kuştina Kemal Kurkut ê di Newroza 21'ê Adarê de ji aliyê polîsan ve hat kuştin, biryara veşartina dosyayê da. Piştî Kemal Kurkut hat kuştin, 7 meh şûnde der barê polîsê kujer de doz hat vekirin. Tevî ku dozger der barê polîsê kujer, Y.Ş ku serbest tê darizandin de cezaye muebetê dixwaze jî polîs serbest tê darizandin. Parêzera malbata Kurkut, Prz. Reyhan Yalçındag, bi sedema ku polîsê kujer Y.Ş serbest tê darizandin, serî li dadgehê da û xwest girtî bê darizandin. Prz. Yalçindag, anî ziman ku li gorî xala CMK'ê ya 100/3'an, sûcê li ser polîs sabît e û bi sedema reşkirina delîlên kuştina Kurkut zêde ye xwest dadgeh biryara girtina polîs bide. Prz. Yalçindag, serî li 7'emin Dadgeha Cezayên Giran a Amedê da û xwest polîsê kujer Y.Ş. girtî bê darizandin.
Yalçindag, di daxwaznameyê de anî ziman ku di nava polîsên ku bibin şahid de 60 polîs hene û wiha got: "Ger ku polisê kujer serbest bê darizandin, polîsên ku şahidê bûyerê ne jî ji ber hempîşeyên hev in dê di navbera wan de şêwirînek çê bibe û rê hewl bidin ku delîl û sedema kuştinê veşêrin. Yalçindag, ani ziman ku rîska polîsê kujer zextan li ser polîsên din zêde bike heye û xwest dadgeh der barê polîsê kujer de biryara girtinê bide.
Prz. Reyhan Yalçindag, destnîşan kir piştî dadgehê bi şertê kontrola edlî û qedexeya dervê welat polîsê bersûc serbest berda, dozger berdana polîs îtîraz kir. Yalçindag, destnîşan kir ku tevî îtîraza dozger bersûc nehat girtin û wiha got: "Em dibînin wekîlên HDP’ê û rojnameger bi îtiraza dozger dubare tên girtin. Lê polîsê kujer tevî îtîraza dozger nayê girtin. Li vir mirov bi zanebûn tê kuştin. Polîsê ku mirov kuştiye aşkere li ber çavan mirov kuştiye. Lê dîsa serbest digere. Divê heyeda dadgehê karê xwe pêk bîne û biryara girtinê bide."
Yalçidag, destnîşan kir ku bersûc, dizane ku dê bi muebetê bê cezakirin gumana ku bireve jî heye û wiha got: "Tevî ku gelek sedemên girtina bersûc heye jî dîsa bersûc nayê girtin."
Yalçindag, anî ziman ku ji bo bersûc bê girtin û doz bigêje armanca xwe dê têkoşîna xwe ya hiqûqî bidomînin.
Yekemîn rûniştina doza cînayetê Kemal Kurkut dê di 14'ê Kanûnê de bê dîtin.
MA / Ozgur Paksoy – Devran Toptaş