ENQERE - Li gor daneyên Wezareta Dadê, hejmara xwendekarên hatine girtin û di girtîgehê de ne 2 hezar û 593 ye. Hat daxuyandin ku hejmara kesên girtî û xwendina xwe ji derve didomînin jî 69 hezar û 301 kes in.
Parlementera CHP'ê ya Stenbolê Gamze Akkuş Îlgezdî, ji bo daneyên xwendekarên girtî û hikumxwar doza agahîwergirtinê li Wezaretê Dadê kir. Wezareta Dadê bersiva Îlgedîzê da û daxuyand ku, li gor daneyên sala 2016'an hejmara xwendekarên girtî û hikumxwar 36 hezar û 33 ye û ev kes xwendekarên lîse, pêşlîsans, lîsans, lîsansa bilind û doktorayê ne.
Di daxuyaniyê de hat diyarkirin ku hejmara kesên ku hîn xwendekariya wan didome û ji ber hin sûcan hatin girtin 2 hezar û 593 ye. Her wiha di daxuyaniyê de hat aşkerekirin ku hejmara xwendekarên ji derve dixwînin û di girtîgehê de ne jî 33 hezar 268 kes e.