Li Şirnexê di 14'ê Adara 2016'an de qedexeya derketina derve hatibû îlankirin û di 14'ê Mijdara 2016'an de qedexeya derketina derve bi dawî bûbû. Piştî qedexe bi dawî bû hemû malên li taxên Gazipaşa, Yeşilyurt, Îsmetpaşa, Dicle, Cumhuriyet, Yenimahalle û Bahçelievler bi kepçeyan hatin rûxandin. Zêdeyî 500 xaniyên ku berê Wezareta Bajarvanî û Derdorê rapora  saxlemin hatibû dayîn jî dîsa bi fermana Waliyê Şirnexê xanî tên xerakirin. Xerakirina xaniyan didome. Li aliye din avakirina 6 hezar û 500 xaniyen TOKÎ ku di adarê de bineha wan hatibû avêtin didome. Xaniyên ku mezinbuna wan 90 metrekare ne, heta niha nêzî 2 hezar xanî hatin avakirin. Xaniyên din kengî bên avakirin ne diyar e. 

 

WELIYÊN ŞIRNEXÊ ARASTEYÎ CIZÎRÊ DIKIN 

 

Welatiyên Şirnexê yên xaniyên wan hatin xerakirin kenî xaniyan teslîmî wan bikin ne diyar e. Bi hezaran malbatên ku piştî xaniyên wan hatin xerakirin û çûn li gund û navçeyên der û dorê bi cih bûn jî li benda vegerê ne. Bi hezaran malbat beriya zivistanê li benda vegerê ne. Lê ji ber ku cih û warên wan tune nikarin vegerin. Malbatên ku der barê xaniyên TOKÎ de li rayedarên TOKÎ geriyan bersîvên aloz girtin. 

 

Rayedar ji welatiyên Şirnexê dixwazin ku biçin li xaniyên TOKÎ yên Cizîrê ku li herêma Dirseklî Dirkê hatine avakirin bi cih bibin. Ji aliyê xebatkarên beşa muhasebeyê ya TOKÎ ve hat teyîtkirin ku Şirnexiyan arasteyî Cizîrê dikin. Heta niha nehat zanîn ku dê çend malbatan li xaniyên TOKî yên Cizîrê bi cih bikin. Bi hezaran xaniyên TOKÎ yên li Şirnexê tên avakrin ji nehat zanîn ku dê teslîmî kê bê kirin. 

 

Hat diyar kirin ku ji malbatên Şirnexi yên ji cih û warên xwe hatin koçkirin, hatiye xwestin ku formên ku li xaniyên TOKÎ yên Cizirê bi cih bibin îmze bikin. Di formê ku dixwazin welatî îmze bikin de jî nivîsa “Xaniyê min ê di qada projeyêde cih digire, ji ber ku xera bûye û zerar dîtiye, ez li hemberî wê dixwazim di xaniyên TOKÎ yên li qada Dirsekli ango Bozalan (Dirkê) yên Cizîrê bi cih bibim"