ENQERE - Dayikên Aştiyê careke din ji bo aştiyê li gelek bajaran derketin rê û xwe gihandin Enqereyê, ji bo hevdîtina bi Ocalan re pêk bê, pêvajoya aştî û diyalogê dest pê bike, dê ji bo hevdîtinê serî li Serokwezîr bidin.
Dayikên Aştiyê li gelek bajarên wekî Enqere, Konya, Mûş, Eskîşehîr, Amed û Stenbolê ketin rê û li Meclisê hatin gel hev. Endamên Meclisa Dayikên Aştiyê, Dayikên Şemiyê tev li Civîna Koma Jinan a Meclisa HDP'ê bûn.
'BI OCALAN RE DÎALOGÊ DAYNIN'
Dayikên Aştiyê di civînê de axivîn û ev tişt hat gotin: "Em azadiya Birêz Ocalan dixwazin. Diyalogê dixwazin. Em wekî Dayikên Aştiyê hatin vir, bang li Serokwezîr dikin. Heta ku îro hevdîtinê bi mere nekin em ê ji vê Meclisê neçin. Dayik aştiyê dixwazin. Bila bê bi me re hevdîtinê bike. Bila bi Ocalan re diyalogê daynin."
Dayikên Aştiyê piştre xwestin bi Rêberê PKK'ê Abdullah Ocalan re hevdîtin bê lidarxistin, aştî û diyalog bi pêk bê, ji Serokwezîr Bînalî Yildirim daxwaza hevdîtinê kirin. Bi hevkariya wekîlên HDP'ê, daxwaza hevdîtina bi Serokwezîr re dest bi xebatan kirin.
Dayikên Aştiye hêj tu bersiv ji Serokwezîr negirtine, li Koma HDP'ê bi dirûşm û tililiyan sekna xwe didomînin.