STENBOL - Rojnamegerên ji doza mailên Wezîrê Enerjiyê Berat Aybayrak ên di Redhackê de hatin weşandin tên darizandin, parastin kirin û diyar kirin ku dixwazin bi vê dozê rojnamegeran bitirsinin. Rojnamegeran anîn ziman ku ev doza tirsandinê ye.
Dê Gerînendeyê Nûçeyan ê DÎHA’yê Omer Çelîk, edîtorê berê yê Dîkenê Tunca Ogreten û xebatkarê rojnameya BirGunê Mahîr Kanaat ku ji ber e-maîlên Wezîrê Enerjiyê Berat Albayrak ên ji aliyê RedHackê ve hatibûn bidestxistin û weşandin kirin nûçe hatin girtin, derketin pêşberî dadger. Rûniştina dozê li 29'emin Dadgeha Cezayê Giran a Stenbolê hat dîtin. 3 jê girtî 6 rojnamegerên ku ji heman dozê tên darizandin derketin pêş beri dadger. Parêzerên rojnamegeran xwest Wezîr Berat Albayrak jî tev li rûniştinê bibe. Lê parêzerê Albayrak Ferah Yıldız di rûniştinê de amade bû.
YA PÊNÛSA MIN ARASTE DIKE NE ÎKTÎDAR WÎCDANÊ MIN E
Ewil Etîdora ETHA Derya Okatan, parastin kir û got "Parêzerê min Sezin Uçar û Ozlem Gumuştaş berî dozê hat binçavkirin û mafê min ê parastine hat asteng kirin. Okatan, anî ziman ku ji 2009’an heta niha di ETHA de di xebite û wiha got: "Min bi sed hezaran nuçe çêkirin. Mailên Redhack ên Albayrak hack kir. Bûyerê eleqeyek gelek rojnamegeran kişand. Me 50 hezar û bi baldari şopand. Me got maqamê hikûmetê ji bo berjewendiyê xwe an ji bo berjewendiyên gel bikar tîne. Lê li şûna Albayrak dozê vekin li me doz vekirin. Dozger li ser esasê bê hiqûq doz vekir. Me mailên Berat Albayrak ku qimeta wan a nûçeyan hebû kirin nûçe û weşandin. Tişta me kiriye rojnamegeri ye. Ez dipirsim çima di dosyayê de tenê nûçe hene. Me bi riya maîlê li ser Redhackê roportaj kir. Me li ser esasê mafê xwe yê nûçeçêkirinê ev yek kir. Navê vê yekê rojnamegerî ye. Ya ku pênûsa min araste dike ne îktîdar e. Wîcdane min e. Ez dixwazim kontrola edlî ji ser min rabe û kompîtûra min jî dîsa bidin min.
Rojnameger Eray Sargin jî diyar kir ku sûcdariyên der bare xwe re qebûl nake û wiha got: "Min bi sedema ku nûçe belav kirine tawanbar dikin. Ez rojnameger im. Çi bi ve yekê re heye. Ez kefîlê hevalên xwe me ku ew rojnameger in.
Nûçegîhanê DÎHA ya hat girtin Metin Yoksu jî, anî ziman ku îdîayên destpêkê yên der barê wan e û pişt re hat guhertin û wiha got: "Ewil em cuda cusdar kirin û piştre îdîaname cuda amadekirin. Dozger bi şopa peyva gerilla ketiye. Ji kesên endamên rêxistinê re gerilla tê gotin. Minak Che Guevara gerilla ye. Di nûçeyê de jî wisa derbas dibe. Nav çiye wisa derbas dibe. Ez îdîayên der barê xwe de qebûl nakim û red dikim.