ENQERE – Dayikên Aştiyê bal kişandin ser rewşa Rêberê PKK'ê Abdullah Ocalan û xwestin qedexeya li ser hevdîtinê rabe û piştrast kirin ku aştiya li welat girêdayê azadî û ewlehiya Ocalan e.
Bi salan e qedexe û tecrîda li ser Rêberê PKK'ê Abdullah Ocalan dewma dike, di demên dawî de tu agahî ji Ocalan nayê girtin. Dayikên Aştiyê bal kişandina ser rewşa Ocalan û xwestin qedexeya li ser hevdîtinê bê rakirin. Dayikan di daxuyaniyê de agahiyên li ser medyaya civakî jî bi bîr xist û gotin ku fikarên wan gelekî zêde bûne. Yek jî dayika aştiyê Munîbe Koç ev tişt got: "Tecrîd zilm e. Bi salan e ne bi parêzeran û ne jî bi xizmên xwe re nikare hevdîtinê bike. Divê ev tecrîda kû bê rakirin. Qebûlkirina tecrîda li ser Serok, qebûlkirina mirinê ye. Ez banga li Wezîrê Karê Hundur, Wezîrê Edaletê û Serokê Giştî yê AKP'ê dikim; divê demil dest gavan bavêjin, vê tecrîdê rakin."
‘EM QEBÛL NAKIN’
Koç xwest xwîna diherike bê rawestandin û wiha pê de çû: "Heta tecrîd dewam bike dê li vî welatî xwîn birije. Em wekî dayik naxwazin xwîna kesî birije. Berdin bila malbata Serok biçe hevdîtinê. Ev tecrîda li ser Serok, li ser hemû civakê ye. Tecrîda li ser jin, dayikan e. Em wekî tecrîda li ser Dayikên Aştiyê dibînin û vê qebûl nakin."
‘EV ZILM E’
Dayika Aştiyê Gulistan Ozgen jî destnîşan kir ku bi milyonan kurdan bikujin jî ew ê tecrîdê qebûl nekin û wiha got: "Em tecrîda li ser Serok qebûl nakin, qebûl nakin, qebûl nakin. Ne em û ne jî ciwanên me qebûl nakin. Ev zilm e."
‘DIVÊ DAYIKÊN TIRK JÎ DIJ DERKEVIN’
Ozgen bang li dayikên tirk jî kir û anî ziman ku heta tecrîd rabene, dê xwîn biherike û ev tişt anî ziman: "Ji ber wê jî divê dewlet bi lez û bez vê tecrîdê rake. Dewlet di vê mijarê de dereng maye. Em vê tecrîdê li dijî xwe dibînin."
‘OCALAN GELÊ KURD TEMSÎL DIKE’
Dayika Aştiyê Kadriye Ozgen jî ev tişt anî ziman: "Bi salan e mirovek bi tena serê xwe di hucreyekê de ye. Abdullah Ocalan vîna gelê kurd temsîn dike. Heke tiştek bê serê Rêberê me, ne tenê kurd, dê tevahiya Tirkiyeyê zerarê bibîne. Çi dikin bila bikin vê tecrîda li ser Serokatiya me rakin. Tecrîd rabe dê aştî bê welat."