*Hevberdevkên Kongreya Demokratîk a Gelan (HDK) Gulistan Kiliç Koçyîgît û Onur Hamzaoglu, diyar kirin ku bi pêkanînên li Îmraliyê gelê Tirkiye di bin tecrîdê de ye. Hevberdevkan xwestin bi lezgîn deriyê Îmraliyê ji malbat û parêzer re vekin û destûr bidin ziyaretan.
* Di ser komkujiya Lîcê re 24 sal derbas bûn. Têkildarî kuştina Tuggeneral Bahtiyar Aydin Mehmet Emîn Ozkan ê 79 salî hatibû girtin û 21 salin girtî li benda edaletê ye. Ozkan ji kuştina Aydin 21 salin girtî tê darizandin û li benda edaletê ye.
*Alî Ridvanogullari yê bi biryara KHK'ê ji kar hat avêtin, bi komkirina zeytûnan debara xwe dike. Ridvanogullarî, diyar kir ku gava ew karmendên dewletê bûn, nekarî zikê xwe tije bikin, piştî ji avêtin jî birçî namîn in.
*Jina ji Ozbekistanê F.E., li cihê ku dixebitî bi hewldana êrîşa zayendî ya D.O. re rû bi rû ma. F.E. aşkera kir ku wê hêj bûyer ji ser xwe neavîtiye, lê ji ber ku kesî piştgirî nedaye wê bi gazinc e. Parêzer Elîfgul Yalçin jî da zanîn ku ew bawer dike ku dê D.O. ceza bigire.
*Arkeolog Miray Dîrîm û Arkeolog Teberik Kubra Dîrîm ji ber di pîşeya xwe de kar bi dest nexistin, cotgeha (çiftlik) dewaran ava kirin. Arkeologên bi hevre cotgeh avakirin, qatixên cotgehê li bazara Ruyê Erdê ya Foça difiroşin.
* Li Antalya yê karkerên di şirketa pakêt kirinê de 12 saetan dixebitin, diyar kirin ku êşa stû piştê dikişînin û wiha gotin: “Ji ber derdê debara malê, em di karên giran û ewlekariya jiyanê tuneye de dixebitin. Em karê pakêt û barkirinê bi 70 TL dikin.”
*Rêncberên Zeytûnên gundên girêdayî navçeya Mutê ku hilberîna zeytûnan dikin û dibin bajêr difiroşin, diyar kirin ku kirîna zeytûnan kêm bû ye û nikarin zeytûnên xwe bifiroşin.
*Rojaneger Omer Çelîk, Tunca Ogreten û Mahîr Kanaat bi îdîaya e-maîlên Wezîrê Enerjiyê Berat Albayrak in kirin nûçe 10 mehin digirtîgehê de tên girtin. Hempişeyên rojnamegeran berî rûniştina dozê çalakiyên piştevaniyê li darxistin û diyar kirin ku belgeyên gihan destên bi mîlyanan kes ne sûc e.
* Qeyûmên ku AKP'ê tayînî şaredariyên DBP'ê kirin diyar kirin ku hemû şaredariyên qeyûm tayînî wan hatin kirin di bin deynan de hatine hiştin. Hevşaredarên Cizîr, Pirsûs û Dêrgulê diyar kirin ku şaredarî di bin deynên giran de hatine hiştin. Şaredarên DBP'î Şaredarên AKP'î yên ku ji wan tê xwestin îstîfa bikin jî rexne kirin û ku di dema xwe de dengê xwe bilind nekirine.
* Li Sêrtê piştî Feleka 6 salî di bin maşîneya polîsan de hat eciqandin û jiyana xwe ji dest da hat zanîn ku polîsan ji malbatê re gotiye “Zarokên we çima derdikevin derve.” Bavê Felek Cemal Batur jî li emniyetê bertek nîşanî polîsan da û polîsan jê re gotiye “Çima hûn berê nehatine me hişyar nekiriye.”
* Li bendê ye Rêxistina HDP'ê li dijî tecrîda li ser Rêberê PKK'ê Abdullah Ocalan didome, avahiyên xwe civînên çapemeniyê pêk bîne.
* Çalakiya Kolana Yukselê ya "Em dixwazin li karê xwe vegerin" dê berdewam bike.
* Li Bendê ye ku Nûçegîhanên Jinnewsê Habibe Eden û Duygu Erol li bendê ye sewqî dozgeriyê bên kirin.
* Parlamenterên HDP'ê û rêveberên HDP'ê di çarçoveya kampanya "Em ranewestin faşizmê rawestînin" dê esnafan ziyaret bikin.