ENQERE – Platforma Nûçeyên Azad û rojnamegerên hatin berdan, ji bo nûçegîhanên Jinnews Duygu Erol û Habibe Eren bên berdan daxuyanî dan û xwestin bi lez Erol û Eren bên berdan. Rojnameger Dîren Yurtsever jî anî ziman ku dema hatin berdan polîsan gotiye "Bibore ferman ji jor ve hatiye."
Di 20'ê Cotmehê de Nûçegihanên Ajansa Mezopotamya Dîren Yurtsever û Selman Guzelyuz, Edîtora JINNEWS'ê Sibel Yakler û nûçegîhanên JINNEWS'ê Duygu Erol û Habibe Eren hatin binçavkirin. Duh rojnameger Dîren Yurtsever, Sîbel Yakler û Selman Guleryuz hatin berdan. Îro Platforma Nûçeyên Azad (OHP) û rojnamegerên hatin berdan, ji bo nûçegîhanên Jinnews Duygu Erol û Habibe Eren bên berdan, li Şaxa ÎHD'ê ya Enqereyê daxuyani dan çapemeniyê. Li ser navê Platformê Zeyno Bayramoglu, daxuyanî da û wiha got: "Binçavkirin û girtina rojnamegeran êdî bûye komkujiya siyasî. Piştî îlana OHAL'ê li dijî hemû kesan êrîş heye. Piştî OHAL'ê zextên li ser rojnamegeran pir zêde bûye. Li gorî daxuyaniya Rêxistina Efoya Navneteweyî ya sala 2016'an hêjmara rojnamegerên girtî ji 31 kesan derketiye 131 kesan. 184 saziyên çapemeniyê hatin girtin. Piştî 5 salan rekora binçavkirinan şikand. 118 rojnameger hatin binçavkirin û 56 rojnameger hatin girtin. 118 kesên hatin binçavkirin rastî gefan hatin.
Bayramoglu, anî ziman ku rojnameger Duygu Erol, Sîbel Yukler, Habibe Eren, Diren Yurtsever û Selman Guzelyuz polîsan bi ser malên wan de girtin û ew binçav kirin û wiha got: "Ji hevalên me yên hatin binçavkirin jê 3 heb hatin berdan. Hêj hevala me Duygu Erol û Habibe Eren di bin çavan dene. Edîtora ETHA Îsminaz Temel û Nûçegîhana ETHA Havva Cuştan hêj di bin çavan dene. Hevalên me yên jin Duygu, Habibe, Îsminaz û Havva ku şopa heqiqetê dişopînin helwesta îktîdara siyasî ya li dijî cudekariya zayendî, çînî ye û parastina polîtîkayên tundî, tacîz, tecawiz, cînayet û lîcna li ser jinan e."
Bayramoglu, arî çikar ku nûçegîhanê FOSEM'ê yê Enqere Meral Gokoglu û Îsmail Cengîz Mumcu yên çalakiya kolana Yukselê xistin bin qeydan hefteya borî hatin girtin û wiha got: "Midûra Karên Nivîsan a Ozgur Gelecek Asli Ceren Aslan, Midûrê DİHA Omer Çelik, Edîtorê berê yê Dikenê Tunca Oğreten û Nûçegîhanê BirGunê Mahir Kanaat 300 rojin girtîne. Dîsa Kemal Ozer, Zehra Dogan, Ahmet Şık, Die Welt, Deniz Yucel tenê çend kesên girti ne. Em wekî Platforma Nûçeyên Azad diyar dikin ku li dijî van zext u binçavkirinan bêdeng nabin û dixwazin bi lez hevalên me Duygu Erol, Habibe Eren, Îsminaz Temel û Havva Cuştan bên berdan."
BIBORE FERMAN JI JOR DE HAT
Nûçegîhana Ajansa Mezopotamya Diren Yurtsever, diyar kir ku di sibeha 20'ê Cotmehê de hat binçavkirin û wiha got: "Em bi tawanbariyên bê kok hatin sucdarkirin. Pişti em hatin berdan lêborîn xwestin. Gotin 'Bibore ferman ji jor de hat'. Ev nîşan dide ku binçavkirina me çiqas keyfî ye. Em şopdarên Apê Musa nin. Em dê li kevneşopiya çapemeniya azad xwedî derkevin.
Edîtora Jinnewsê Sibel Yukler jî anî ziman ku ji ber di bin çavan de çalakiya Nûriye û Semih neşopandin xemgîn in. Yukler, destnişan kir ku ew şahidin ku hevalên wan ên niha di bin çavan de rojnameger in. Yukler, anî ziman ku ew dê heta dawî tekoşîna xwe berdewam bikin.
Nûçegîhanê Ajansa Mezopotamya Selman Guzelyuz jî anî ziman ku wan berê nûçe çê dikir, lê Tirkiye hatiye vî halî ku êdî nûçeyên rojnamegeran tên çêkirin."