ÎDIR - Gundiyê derketin Zozanên Korhan a hatî qedexekirin ya li Çiyayê Agiriyê, ji ber ku leşkeran destûr nedan boriyên avê tamîr bikin, ava xwe ji çemê 15 kîlomenter dûrî gund temîn dikin.
Welatiyên li gundê Karakuyu yê Îdirê dijîn, her sala bi hatina havînê re diçin Zozanên Korhan ê 3 hez metre li bilindiya Çiyayê Agiriyê ye. Zozanên Korhan ku nêzî salekê ye wekî “Herêma Ewlekariya Taybet” hatiye îlankirin, dikeve bakurê rojhilat ê Çiyayê Agiriyê. Gundiyên ku ava xwe ji vir digirin, ev demek dirêje pêdiviyên avê ji çemê 15 kîlometre dûrî gund temîn dikin.
Gundiyan, diyar kir ku Qereqola Cendirmeyan a Korhanê bi hinceta “Herêma Ewlekariyê ye” destûr nade wan biçin boruya avê ya di lehiyê de zirar ditî, tamer bikin. Gundiyan anî ziman ku di warê jiyanî û aborî de zoriyan dikişîn in.
‘QEREQOLÊ DESTÛR NEDA, GUNDÎ BÊ AV MAN’
Yek ji welatiyê gund Hamît Çikmaz, diyar kir ku ji ber qedexeyê gundî nikarin biçin zozanan û wiha axivî: “Di warê jiyanî de zazon ji bo me girîngin. Gundiyan bi derfetên xwe xortum ji xwe re kirîn û ji zozanên Çiyayê Agiriyê av kêşan. Piştî qedexeyan ava me qût bû. Ji ber lehiyê boruyên avê şikiyan. Me xwest em tamîr bikin, lê Qereqola Cendirmeya Korhanê destûr neda. Ligel qedexeyê de zozanên xwe, lê tu ewlehiya canê me tuneye. Ava ku me bi zehmetiyek mezin anî, nêzî qereqolê boru şikiya. Leşker destûrê nadin em boruyên avê tamîr bikin. Ji ber vê yekê bi tankeran em avê dibin gund. Her roj buhayê mazotê giran dikin. Ev yek jî di aliyê aborî de bandorek neyênî dike. Em dixwazin qedexeyên li ser zozanên me rabin. Ger wisan bidome, em ê sewalên xwe bifiroşin.”
'GOVÊN ME XIRA KIRIN'
Maruf Çikmaz jî da zanîn ku her sal sewalên xwe dibe zozanan û wiha axivî: “Ji ber qedexeyan hin xizmên me neçar man ku biçin zozanên herêma Qersê. Ligel ku tapuya zozanên me hene jî, destûr nadin em derkevin zozanên xwe. Govên sewalên em yên li zozanan xirab kirin. Berê bi dehan ton giha me ji zozanên xwe kom dikir û ziviftanê jî dida sewalên xwe. Gelek caran me nîvê zivistanê l zozanan derbas dikir. Rewş me ne başe. Niha me nikarin gihayên xwe bi dirûn. Em kayê ji Amed û Êlihê dikirin. Maliyeta kayê jî bi serê xwe lêçûnek mezin e. Me îsal zirar kir û dahatuyek ji sewalan me negirt. Em dixwazin qedexeyên liser zozanên em rabikin.
MA / Mahmut Ruvanas