MUGLA - Parêzer Gunfer Karadenîz cenazeyên li Muglayê dîtibû û fikarên xwe yên der barê înfazan de anîbû rojevê. Piştî daxayaniya HPG'ê ku gotibû "piştî jehr kirinê, înfaz kirine", parêzerê ji dozger xwe der barê îdiayan de daxuyaniyê bide.
Li navçeya Seydîkemerê ya Muglayê di 4'ê Cotmehê de 7 kes hatibûn îşkencekirin û wêneyên wanên ji piştê ve kelepçekirî li ser medyaya civakî hatibûn weşandin. Li navçeya Koycegîzê jî hatibû îdiakirin di 6'ê Cotmehê de şer derketiye û 5 kesan jiyan xwe ji dest daye, 2 kesên ku lêgerîna wan dewam dike, kesekî bombeya li ser xwe teqandiye û jiyana xwe ji dest daye. Lê tiştên ku malbat, parêzer û şêniyên navçeyê tanîn ziman, fikarên "înfazê" zêde kiribûn. Herî dawî Hêzên Parastina Gel (HPG) daxuyanî dabû û piştrast kiribû ku hevrêyên wan "piştî jahr kirinê, hatine înfazkirin."
WELATIYÊN HERÊMÊ: ME DENGÊ PEVÇÛNÊ NEBIHÎST
Şêniyên Koycegîzê diyar kirin ku cihê ku bûyer lê qewimî ye wan dengê çekan nebihîstiye. Welatiyên herêmê dan zanîn ku li dijî bûyerên diziyê her êvarê çend gule tên teqandin, lêwan dengê zêde nebihîstiye. Her wiha şêniyên herêmê aşkera kirin ku di 5'ê Cotmehê de li herêmê operasyona leşkerî hatiye destpêkirin, li gelek herêmên navçeyê, li otogar û hwd. leşkerên bi çek dîtine û tevgereke zêde ya leşkerî li herêmê hebûye.
RAPORA OTOPSIYÊ YA DESTPÊKÊ NEDAN
3 kesên ku ji hêla malbatan ve cenazeyên wan hatin wergirtin, bi îdiaya biryara "veşarî" heye û "li gel dozger tune", raporên wekî "rapora mayemenê ya mirinê", "rapora destpêkê" nedane malbat û parêzeran.
ARSLAN: ŞOPÊN GULEYAN TUNE
Cenazeyê Musa Arslan piştî li Mêrsînê hat definkirin, apê Arslan Abdulselam Arslan der barê bûyerê de axivî û ev tişt got: "Di laşê wî de şopên guleyan tune bû. Tenê şopên hin derban hebû. Di guh û qalçeya wî û li ber lebatên wî yên zayendî şopên reş hebûn. Ez difikirim ku bi îşkenceyê hatiye qetilkirin."
DOZGER DAXUYANÎ NEDA
Serdozgerê Komarê yê Muglayê heta niha der barê bûyerê de yek daxuyanî jî neda, lê der barê kesên ku wêneyên îşkenceyê parvekirin de lêpirsîn da destpêkirin.
PARÊZER: DIVÊ DOZGER BERSIVÊ BIDE
Parêzer Gunfer Karadenîz aşkera kir ku dema wê cenaze dîtine, fikara "înfazê" di serê wê de çê bûye, piştrast kir ku der barê înfazan de dozgeriyê tu daxuyanî neda ye. Karadenîz destnîşan kir ku divê piştî cenaze hat teslîmkirin, demil dest rapora otopsiyê bidin malabat û parêzeran, lê nedana raporê înfazê zêde dike.
Karadenîz anî ziman ku ew nizane dê li gorî xwe raporekê amade bikin an na? û wiha pê de çû: "Dinbe amade bikin. Wê demê jî bijîşkên ku kar û bar kirine dê bikevin bin xetereyê. Cenaze hatine definkirin, nayê wê wateyê dê otopsî êdî neyê kirin."
Karadenîz diyar kir ku dê her tişt bi zelalî di raporên otopsiyê de bên diyarkirin û wiha got: "Daxuyaniyên walî yên wekî di cenazeyan de gelek şopên guleyan hene, lê me di cenazeyan de şopên guleyan nedît. Li gorî min ev ne pevçûn e, înfaz e. Divê dozger der barê hemû tiştî de daxuyaniyekê bide."