KOBANÊ - Li Bakurê Sûriyeyê, gelê kurd û gelên li gel wan dijîn, piştî şerê li Sûriye dest pê kir, rêya 3'emîn hilbijartin û şoreşa xwe îlan kirin. Gelên Bakurê Sûriye, di 6’emîn salvegera şoreşa xwe de, dest bi pîrozbahiyan kirin. Di pîrozbahiyan de dê heyetên ku ji Minbiç, Reqqa, Dêra Zor, Heleb, Şehba û Herêma Federe ya Bakurê Iraqê û Kurdistana Îranê bên dê amade bibin.
Li Sûriye piştî şerê navxweyî dest pê kir, gelê kurd û gelên ku ligel kurdan dijîn, di 12'ê Tîrmeha 2012'an de rêya 3'emîn a şoreşê hilbijartin û dest bi têkoşînê kirin. Li Bakurê Sûriye gelê kurd û gelên din ku dest bi şo reşê kirin ji wê demê heta niha parastina rewa dikin û hebûn û nirxên xwe diparêzin. Piştî pêngava şoreya gelan dest pê kir, jinan bi awayekî çalak di nava têkoşîna şoreşgerî de cihên xwe girtin. Piştî jinan di nava têkoşînê de cih girt, jinan li Sûriye û Rojhilata NAvîn bandorek mezin li ser civakên herêmê pêş xistin. Di 6'emîn salvegera şoreşê de gelên li Bakurê Sûriye dijîn amadekariyê dikin ku li Kobanê pîrozbahiyek girseyî pêk bînin.
DI HER QADÊ DE AMADEKARÎ TÊN KIRIN
Li Kantona Kobanê bi tevlêbûna hemû sazî û dezgehan Komîteya Amadekar ku ji 15 kesan pêk tê hat avakirin. Di 19'ê Tîrmehê salvegera şoreşê de dê bi awayekî fermî bername dê bê lidarxistin. Dê civîn, şahî û bernameymên cur be cûr bên amadekirin. Rêxistinên Jinan, Ciwanan, tenduristî, ewlehî û xizmetên çandî amadekariyên xwe yên pîrozbahiyê temam kirin. Li tevahiya bajar seferberî îlan kirin. Şaredariya Kobanê kolan bi kolan paqij dike. Gel bi dildarî tev li karê paqijiyê dibe. Dê li Parka Şehit Egit bi tevlêbûna hezaran kesan finala bernameyê bê lidarxistin. Ciwan dê di şeva bernameyê de bi meşaleyan bimeşin. Yekîneyên Ciwanên Rojava (YCR) hem di şeva salvegerê de û hem jî di rojên cuda de dê meşa meşaleyî pêk bînin. Lê li qadên cuda yên bajar pankart bên vekirin.
Di bernameyê de dê şano, panel û sînevîzyon bên pêşandan û temaşekirin. Dîsa ji bo pîrozbahiyê dê tedbîrên mezin bên girtin. Asayiş û Hêzên Parasitan Civakî (HPC) dê ketin û derketina bajar kontrol bike û ewlehiyê biparêzin. Dîsa Nexweşxaneya Kobanê û xebatkarên tenduristiyê yên Heyva Sor dê li qadê amade bibin. Dê di bernameyê de ambulans amade bin.
DÊ NÛNERÊN BAKURÊ SÛRIYE AMADE BIBIN
Ji Bakurê Sûriye, dê heyetên ku ji Minbiç, Reqqa, Dêra Zor, Heleb, Şehba û Herêma Federe ya Bakurê Iraqê û Kurdistana Îranê bên dê amade bibin.
NAZIM DAŞTAN