AMED – Nûnerên rêxistinên civaka sivîl ên Amedê dirêjkirina OHAL’ê rexne kirin û diyar kirin ku bi dirêjkirina OHAL'ê nayê qebûlkirin û fikarên wan zêde dibin.
Lijneya Wezarîran li ser daxwaza MGK'ê 3 meh OHAL dirêj kir. Têkildarî dirêjkirina OHAL'ê ya 3 mehên din Rêxistinên Civaka Sivîl ên Amedê bertek û nerazîbûnên xwe anîn ziman. Nûnerên Rêxistinên Civaka Sivîl diyar kirin ku ev yek nayê qebûlkirin û fikarên wan zêde dibin.
Endamê Yekîtiya Konseya Navendî ya Odeya Tabîbên Bijîşk Şehmus Gokalp, kir ku di jiyana rojane de dibînin ku hemû welatî dikevin bin bandora neyînî ya OHAL'ê û OHAL hemû welatiyan mexdûr dike. Gokalp anî ziman ku 113 hezar mirov bi KHK'ê hatin îxrackirin û wiha got: "Ji ber ku ev rewş bandorek mezin li ser derûniya mirovan jî dike gelek karmendan întîhar kir. Hemû maf û azadiyên mirovan hatin rawestandin. Di mafê perwerde, tenduristî û hemû qadên din de mirov ketin bin bandorek neyînî. OHAL rengê rêveberiya kirîzê ye. Li şûna ku di asta herî kêm de OHAL bandorê li ser mirovan çêke, di asta herî jor de bandor li ser mirovan çê dike. Krîz ne bi OHAL'ê bi bi maf û azadişap ji holê radibe. Gokalp, destnîşan kir ku OHAL ji armanca xwe dûr ketiye û wiha got: "Divê demek berî demekê OHAL bê rakirin. OHAL ji bo tendurîstî û derûniya mirovan qet ne baş e."
Serokê Baroya Amedê Ahmet Ozmen, anî ziman ku wan berê xwestibû OHAL bê rakirin û dubare dixwazin ku OHAL bê rakirin û wiha got: "Her çend OHAL bi sedema têkoşîna bi FETO re hat îlankirin îro OHAL li dijî armanca xwe ye. Hem welatî jiyana xwe ji dest didin û hem jî azadiya mafan binpê dike. Mafên mirovan ên bingehîn tê sînorkirin. Di milê hiqûqê de zerarê mezin hene. Dirêjkirina OHAL'ê pir bi saqince ye.
‘OHAL RAZEMENIYÊ ASTENG DIKE'
Karsaz Mehmet Kaya jî bertek nîşani dirêjkirina OHAL'ê da û wiah got: "Yek ji sedemên paşneketina qara aborî OHAL e. Ji bo herêm di milê razemeniyê û aboriyê de pêş bikeve divê OHAL rabe. Di van şertan de razemenî li herêmê nayê kirin. Ger ku qeyûmê tayînî şîrketê bikin ew şîrket tê girtin. Divê bi lez OHAL bê rakirin."
‘HER DER DIBE GIRTÎGEH'
Hevserokê 2'emîn Şaxa Egîtîm Senê ya Amedê Recep Şimşek jî anî ziman ku bi OHAL'ê her der bûye girtîgeh û wiha got: "Li şûna dîsa her tişt asayî bibe dîsa OHAL 3 mehên din dirêj kirin. Ev bandorek neyînî li ser jiyanêi dike. Ewlehî pir zêde ye. Mirov bê cih û war rasti kontrola nasnameyê tên. Ev yek bandora neyînî liser mirovan dikin. Ji bo jiyan dîsa asayî bibe divê bi lez OHAL bê rakirin."
'OHAL JI XWE RE KIRIN FIRSEND'
Endamê Kongreya Îslama Demokratik (KÎD) Hüseyin Bariş, jî diyar kir ku OHAL ji bo dirêjkirina îktîdara xwe û serweriya xwe kirine amûr û mertal û wiha got: "Ger ku OHAL nebûya ew qas akademisyen ji kar nedihat avêtin. OHAL ji bo xwe kirine firsend. Bi OHAL'ê zêdeyî 50 kesan întihar kir. Divê OHAL bi lez bê rakirin."