COLEMÊRG - Êrîşên li ser girtiyên li Girtîgeha Tîpa T a Osmaniyê zêde dibin. Bi OHAL’ê re li girtîgan pêkanînên “Kincên yek rengî”, “Muameleya xerab” û “Cezayê hucrê” bûne ji rêzê.
Girtî Welat Duman ê bi îdîaya “Endamê rêxistinê” di Cotmana 2014’an de li nevçeya Pirsusa Rihayê hat girtin, bêmafiyên li Girtîgeha Tîpa T a Osmaniyê tên jiyîn, di peyama ji malbata xwe re şandî de, vegot. Duman ê ku bi malbata xwe re bi telefonê axivî, diyar kir ku bi OHAL’ê re li girtîgehê êrîş zêde bûn. Duman ku di bûyerên Kobanê de hat girtin, da zanîn ku bi 9 girtiyan re dimîn e û dinava xarinên wan de kêzik derdikevin.
KAMERAYAN BI QAWÎŞAN VE DIKIN!
Duman, da zanîn ku ji ber ku wan karemaraya li qawîşan xistin, şermezar kirin 30 roj cezayê hucreyê dan 9 kesan û wiha got: “30 roj cezayê hucrê dan me 9 kesan. Her yek ji me ji 20 tan zêdetir cezayê wan ê dîsîplînê heye. Bi keyfî van cezayan didin me. Teqaz em kamerayên bi qawîşan ve kirin, qebûl nakin. Bi vê yekê re mafê me yên civakî ji destên me girtin. Berî 4 rojan girtiyên ji Girtîgeha Tîpa T a Muşê sîrgûnî Girtîgeha Osmaniyê kirin, gardiyan û leşkeran îşkence li wan kirin. Ji ber ku li dijî “Kincên yek rengî” derketin, tin rastî îşkenceya rayedarên girtîgehê hatin.”
'DIVÊ KES BÊDENG NÎME'
Bav Mehmet Duman ê li navçeya Gevera Colemêrgê dijî jî, diyar kir ku wî ji kurê xwe re kinc birin, lê bi hinceta “Ew kincan kêm dikin” hemû kinc paş ve dane wan. Bav Duman, da zanîn ku ew bi kurê xwe re bi telefonê axivî û wiha bi dawî kir: “Bûyerên li girtîgehan tên jiyîn divê li wir nemîn in. Divê hemû ji raya giştî re bên ragihandin. Her ku diçe binpêkirinên mafan li girtîgehan zêde dibin. Divê li dijî vê yekê gel dengê xwe bilind bikin û bertek nîşan bidin.”