STENBOL – Şêniyên semta Fîkîrtepe ya Kadikoyê ya bi projeya veguhertina bajarvaniyê tê rojevê bi hinceta malên wan paş de nayên dayîn 28 roj e di konên li qada înşatê de avakirin e di nobetê de ne. Şêniyên taxê gotin: “Em xwediyê xênî bûn, lê me kirin kirêvan. Niha jî em bûne mexdûrê bin konan.”
Li semta Fîkîrtepe ya navçeya Kadikoya Stenbolê ji sala 2011’an ve heta niha veguhertina bajêr didome û xwediyên xêniyan mexdûr kir. Di 2016’an de li taxa Dumlupinar a semta Fîkîrtepe hilweşandin destpê kir. Gelek welatî xêniyên xwe terk kirin û bûn kirêvan. Welatiyan di dîroka ji wan re hat gotin xênî radestî wan nehat kirin. Malbatan li qada înşatê kon vedan e û 28 roj in nobeta lêgerîna maf digirin.
Di bin navê “Projeya Brooklyn Dream” de ev proje ji aliyê xwediyê Pana Yapi ya Şîrketa Înşata Selîmoglu ve tê çêkirin. Şêniyên taxê bi boneya xêniyên wan radestî wan nayê kirin bi bertek in.
‘BETON RIJANDIN Û REVIYAN ÇÛN’
Zeynep Dzugunoglu ya 53 sal e li Fîkîrtepeyê rûdinê behsa sozên şîrketê dane wan kir û got: “Ev şireket hat û me li hev kir. Ji me re gotin ku ‘em ê malên we nûbikin û malên nû radestî we bikin.’ Lê soza xwe bi cih neanîn. Min bi Rana Yapiyê re li hev kir. Hatin şûna mala me kolandin û betonê rijandin lê pişt re çênekirin û reviyan. Daîreyan firotin kesên ne ji vir. Wan mirovên daîreyan kirîn jî mexdûr kirin. Daîreyên ji wan re nebûn firotin. Niha ev der wiha maye û fîrmayek din nayê çênake.”
'XWEDIYÊ PANA YAPIYÊ ALÎGIRÊ HIKUMETÊ YE’
Duzgunoglu da zanîn ku wan li dijî vê meseleyê serî li her deverê dane lê kesî pirsgirêka wan çareser nekiriye û got: “Xwediyê şîrketê Racî Şaşmaz me mexdûr kir. Pana Yapi pişta xwe dide hikûmetê. Em li înternetê dinêrin Racî Şaşmaz û Tayyîp Erdogan bi kêfxweşî bi hev re wêne kişandine. Ez xwediyê xênî bûm lê niha di kon de dimînim. Em dixwazin demildest mafê me ku xêniyên me ne bidin me. Ji bo ku me ji vir biajon vê yekê kirin û guh nadin mexdûriyeta me.”
'LI ŞÛNA MALAN EM DI KONAN DE NE’
Mexdûrek din Ferhat Ozdemîr jî destnîşan kir ku ji bo ew mafê xwe bi dest bixin 28 roj in di konan de nobetê digirin û got: “Li şûna ku em di meha hezîranê de bigîhîştina malên xwe lê niha em di konan de çalakiyê li dar dixin.”
'MALÊN ME BÛNE XEYAL’
Medîne Şîmşek a ew jî mexdûr bûye jî anî ziman ku ji bo ew cih û malên xwe bigirin ji wan re bûye xeyal û cih û warê wan li şûna veguherindina bajarvaniyê de veguherandine bajarek xeyalet.
'EM XWEDIYÊ XÊNÎ BÛN, LÊ NIHA DI BIN KONAN DE NE’
Suat Erdogan ê mexdûr jî diyar kir ku sedema vê mexdûriyeta hatiye serê wan hin cîranên wan întîxar jî kirin û got: “Em xwediyê xênî û mal bûn lê em bûn kirêvan. Ew jî têr nekir niha jî em bûne çalagerên konan. Me ji serê ewil ve jî veguherandina bajarvaniyê nedixwest. Çunkî navê wê ‘veguherandina rantê’ ye. Lê bi darê zorê peymanê bi me dan îmzekirin û niha jî Fîkîrtepe xistin e vî halî.”
MA / Bîlal Seçkîn