Abdulsamet Burak ê ku li Girtîgeha Tîpa L a Suluca Edeneyê tê ragirtin, di axaftina xwe ya li ser telefonê de ji malbata xwe re binpêkirinên li girtîgehê rave kir û banga hestyariyê kir. 

 

 

Bavê Burak Abdulvahap Burak, têkildarî mijarê axivî û diyar kir ku kurê wî di sala 2022’yan de hatiye girtin û cezayê muebbedê lê hatiye birîn. Axaftina kurê xwe Abdulsamet Burak ê ku 9 meh in li Girtîgeha Tîpa L a Suluca ya Edeneyê tê ragirtin, wiha ragihand: “Li me heqaretê dikin, her hefte bi ser qawîşan digirin û bi zorê korîdorê girtîgehê bi me didin paqijkirin. Ger em li ber xwe nedin dê daşiran jî bi me bidin paqijkirin. Ev mehek e av nîn e. Mehane em 2 hezar TL didin heqê avê. Em dixwazin ku ev rewş ji bo rojava Meclisê bê ragihandin.”

 

‘DESTÛR NADIN KU XÛŞK Û BIRAYÊ GIRTÎ LI SER TELEFONÊ BIAXIVIN’ 

 

Abdulvahap Burak, destnîşan kir ku keça wî Serra Burak a ku 10 sal e girtî ye û niha li Girtîgeha Jinan a Gebze ya Kocaelî tê ragirtin, heftê carekî mafê wan ê axaftina bi telefonê heye û xwestiye ku bi birayê xwe re biaxive lêbelê Girtîgeha Suluca ya Edeneyê nehiştiye.

 

Burak, bal kişand ser tundiya li girtîgeha û banga hestiyariyê kir.