AMED - Amîrê polîsan Î.T. yê ji kesên der barê wan de biryara lêgerîn hebûn, di bin navê "mûxbîr, JÎTEM û endamê îstîxbaratê" de bi şantajê pere kom dikir, bi gotinên "Amadekariya fezlekeya KCD'ê", "Tevlêbûna operasyona Sûrê" û "Ronikirina cînayetê Yasîn Boru" xwe parast. 

 

Li Amedê di salên 2016-2017'an de 5 jê girtî 12 kesên di nava wan de Amîrê polîsan ê Midûriyeta Polîsan a Amedê Î.T., jî heye, xwe wekî polîs, mûxbir, JÎTEM û endamê Îstîxbaratê" pênase kirin û ji kesên der barê wan de biryara girtinê hebûn bi şantajê pere stendin. Îdîanameya der barê 5 jê girtî 12 kesên tên darizandin de bi dawî bû. Îdianame ji aliyê 3'emîn Dadgeha Cezayên Giran a Amedê ve hat qebûlkirin. 

 

Dozger di îdîanameyê de diyar kir ku muxbîrekî di 17'ê Mijdara 2016'an de ji peywirdarê Midûriyeta Şaxa KOM'ê ya Amedê re agahî şandiye ku dest bi şopandina bûyerê kirine, Dozger da zanîn ku mûxbîr polîsan li gel Amirê polîsan Î.T., yê li Şaxa TEM'ê ya Midûriyeta Polîsan a Amedê  û kesên li gel wî S.D. û Y.B. tev geriya ye û çûne Navçeya Rezan cihê kar yê V.B., ku der barê wî de biryara lêgerînê heye ku ruşwetê jê bistînin. 

 

AMÎRÊ POLÎSAN HAT GIRTIN

 

Piştî şikdarên endamên çetayan hatin guhdarkirin û şopandin, 10 sûcên ku tevlê bûnê hatin tespîtkirin û qeydkirin. Di 23'ê Adara 2017’an de bi ser  navnîşanên şikdaran de hat girtin. Di serdegirtinê de 13 kes hatin binçavkirin. Piştî îfadeyên wan hatin girtin di 27'ê Adarê de sewqî dadgehê hatin kirin. Li dadgehê Amirê Emniyetê Î.T.,û Y.B., Ş.A., S.D. û M.A. hatin girtin. Kesên bi navê M.D., M.D., N.Ç., R.O., S.A., B.B. û A.O. jî hatin berdan. 

 

TIŞTEKÎ HAL NAKE TUNE 

 

Di qeydên guhdarkirinên telefonan yên Y.B. û Ş.A. de bi gotina "axabeg" xîtabî Amîrê Polîsan Î.T. kirine. Bi kesên ku di nava organîzasyona sûc de ketine nava dan û stendinê. Diyar kiriye ku bi riya kesên sêyemîn têkilay wan bi leşker, polîs û edliyê re baş e û tiştekî hal neke tune ye. 

 

Amîrê polîsan Î.T. Y.B, Ş.A, S.D, û M.A, mala bi navê "dergeh" bi hevre bikar anîne. Dem dem hatine cem hev. Amîrê polisan “İ.T. bi erk û mîsyona peywira xwe di nava karê sûc de neheq qezenç kiriye. Bêtêl û Amûrê Midûriyeta Polîsan bikar anîne. İ.T. maşîna emniyetê ku ji bo wî hatiye tahsiskirin, bêtêl û çeka midûriyetae polîsan di vi karê organîzasyonê de bikar anîye." 

 

Dozger di îdîanameyê de diyar kir ku Amîrê Polîsan Î.T. bi kesên Y.B., Ş.A., S.D. re bê hevdîtina telefonê dem dem hatine cem hev û İ.T. li dijî şopandina teknîkê 5 telefonên cuda bikar anîye. 

 

Amîrê polîsan Î.T. piştî der barê wî de lêpirsîn hat vekirin, bi gotinên "Amadekariya fezlekeya KCD'ê", "Tevlêbûna operasyona Sûrê" û "Ronikirina cînayetê Yasîn Boru" xwe parast. 

 

JI MALBATA KESEKÎ HATIYE BINÇAVKIRIN 20 HEZAR TL STEND

 

Şikdar Ş.A. di parastina îdîanameyê de diyar kir ku ew ji ber muxbîrê polîs e di lîsteya PKK’ê ya kesên bê kuştin de cih digire û wiha got: "7-8 meh berê dolmîşek ku plakeya wê nediyar ji Licê hat Amedê. Di dolmîşê de 2 PKK'yi hatin girtin. Ajokarê dolmîşê li Amedê ji vê bûyerê ji aliyê Şaxa TEM'ê ya Amedê ve hat binçavkirin. Bavê ajokar bi riya şeksekî din bi İ. T. re ket têkiliyê. Î.T. jî diyar kiriye ku dê li hemberî 20.000 TL wî ji bin çavan derxe. Piştî vê yekê min û Î.T: 20.000 TL ji bavê Ajokar stend. Me ev pere 10-10 di nava xwe de parve kirin." 

 

 JI BO HER KESEKÎ HETA 44 SALAN CEZA DIXWAZE

 

Dozger di îdîanameyê de der barê Amîrê Polîsan İ.T. jî di navde 12 kesên şikdar de bi îdîaya “Bi armanca sûc bikin rêxistin avakirine" û “Bi armanca sûc bikin bûne endamê rêxistina sûc" û “Di nava xebatên rêxistinê de mirov xapandine" ji 3 salan heta 44 salan ceza dixwaze. 

 

Danişîna dozê dê di rojên pêş de li 3'emîn Dadgeha Cezayên Giran a Amedê bê dîtin. 

 

MA / Deniz Tekin