MÛŞ – Parlamenterê HDP'ê yê Mûşê Mensûr Işik, diyar kir ku biryara jimartina ji nûve ya dengan li dijî xala 112'an a hêjmara 298'an e û got: "Li şûna ku AKP li ser daneyên şênber îtiraz bên kirin bêyî delîlên şênber îtîraz dike û îtîraz tê qebûlkirin."
Di hilbijartina 24'ê Hezîranê ya Serokomarî û Parlamenteriyê de Partiya Demokratîk a Gelan (HDP) ji 4 wekîlan 3 wekîl qezenç kir. AKP'ê jî 1 wekîl qezenç kir. AKP'ê li navçeyan îtîraz kir, lê lijneya Hilbijartinê ya navçeyan ev daxwaza îtîrazê red kir. AKP'ê piştre li Lijneya Hilbijartinê ya Bajaran îrîtaz kir. Îtîraza HDP’ê ya li Lijneya Hilbijartinê ya Bilind jî hat redkirin. Li ser daxwaza AKP’ê li Mûşê ji nûve cara duyemîn deng tên jimartin. AKP israr dike ku li Mûşê wekîlê rêza duyemîn Abdulselam Er bi zorê bikin wekîl û têxin şûna wekîlê 3'emîn ê HDP'ê. Nihaş û aloziya li Mûşê didome. Namzetê Serokomariyê AKP’ê Recep Tayyip Erdogan ji sedî 38.44 deng stend û AKP’ê jî ji sedî 35.41 deng stend. AKP armanc dike ku bi zorê Abdulselam Er ê rêza duyemîn bi bike wekîl û ji bo vê yekê bi israr xwest cara duyemîn deng ji nûve bên jimartin.
Niqaşa li bajar te kirin li ser Abdulselam Er e. Abdulselam Er di serdema 26'an de wekilê AKP’ê yê Mûşê bû. Piştre bû şêwirmendê parlamenterê Bûrsayê Muhammet Mufit Aydin. Hat zanîn ku Namzetê AKP'ê Er piştî di 25'ê Hezîranê de encama hilbijartinê zelal bû çû Enqereyê u bi Muhammet Mufit Aydin re hevdîtin kir û li ser ve yekê dîsa vegeriya Mûşê û îtîraz kirin. Er di destpêkê de li Êlihê mamoste bû. Di 2001'an de Lîseya Perwerdehiya Pîşeyê Serbixwe ava kir. Heta 2004'a bû midûrê lîseyê. Piştî AKP hat îktîdarê di sala 2004'an de bû Midûrê Perwerdehiya Neteweyî ya Bajarê Mûşê. Di sala 2014'an de bû Midûrê Îdareya Koçberiyê ya Bajarê Mûşê. Er, di salên 2007 û 2011'an de bû namzetê parlamenteriyê yê AKP'ê. Er di hilbijartina 24'ê Hezîranê de dîsa bû namzetê AKP'ê. Er, lê vê carê ne bû wekîl.
’24'Ê HEZÎRANÊ ENCAMA EFRÎN Û KERKÛKÊ YE'
Têkildarî mijarê Parlamenterê HDP’ê yê Mûşê Prz. Mensur Işik, diyar kir ku AKP israr dike ku bi zorê wekîlê duyemîn derxin û wiha got: "Li Mûşê em di şertên ne wekhev de dîsa bûn partiyaı yekem. Me li Mûşê di şertên ne wekhev de 3 wekîl derxistin. Gelê Mûşê tevî hemû zextan dengê xwe da HDP’ê. Gelê Mûşê bersîva Efrîn û Kerkukê da hikûmetê. Di şertê ne wekhev û ne adîl de hilbijartin pêk hat. Îtîrazên AKP’ê piştî telefonên di navbera Enqere û Mûşê de hat qebûlkirin. Qebûlkirina îtîrazan li ser fermana Navenda Giştî ya AKP'ê pêk hat. Lijneya Hilbijartinê ya Bajar û Navçeyan di bin zextên Navenda AKP'ê de ne. Biryara jimartina ji nûve ya dengan li dijî xala 112'an a hêjmara 298'an e û got: "Li şûna ku AKP li ser daneyên şênber îtiraz bên kirin bêyî delîlên şênber îtîraz dike û îtîraz tê qebûlkirin. Tu bingehê vê îtîrazê tune ye. Biryarek ne li gorî hiqûq û zagonê ye. Pergala îtîfaqê tenê li Mûşê pêk nayê. Encam tehamûl nekirin. Ji ber vê yekê îtîraz kirin. Ger ku encamek dijber derkeve dê dilê her kesî birîndar bike. Encamek cuda derkeve dê ev yek neyê qebûlkirin. Li Mûşê AKP têkçûna xwe ya li hemberî HDP'ê qebûl nake. Serketina HDP'ê ya li Mûşê qebûl nake. Em bi fikarin ku nelirêtiyên di 24'ê Hezîranê de dîsa dubare berdewam bikin."
MA / Ozgur Paksoy – Devran Toptaş